«Nebitgaz pudagyny ösdürmegiň ylmy esaslary»
13:31 09.06.2026 121
Şeýle at bilen «Türkmengaz» döwlet konserniniň Ylmy-barlag tebigy gaz institutynda (YBTGI) ylmy-amaly maslahat geçirildi. Ylymlar güni mynasybetli YBTGI-niň kärdeşler arkalaşygynyň ilkinji guramasy tarapyndan geçirilen maslahata degişli toplumyň halypa ylmy işgärleri, ýaş hünärmenleri gatnaşdylar.
Maslahatda institutyň hünärmenleriniň gaz, nebit, geologiýa işlerinde ýerine ýetiren we alyp barýan barlag, seljerme işleri, pikirleri, teklipleri diňlenildi. Olar, hususan hem, ýerine ýetirýän ylmy taslamalary, ýagny «Galkynyş» gaz käniniň gurluşyny seýsmiki taýdan öwrenmekligiň netijeleri, «Oilfield manager» (OFM) programma üpjünçiliginde gaz we gazkondensat ýataklarynyň gorlaryny material balans usuly bilen seljermek, tebigy gazyň düzümindäki kömürturşy gazyny peýdaly maksatlar üçin ulanmak, ultrases we magnit usullary arkaly metallaryň fiziki, mehaniki häsiýetlerini derňemek, ulanyşyň ahyrky döwründe gaz guýularyny özleşdirmek usullaryny işläp düzmek barada çykyş etdiler. Ylmy-amaly maslahatyň barşynda halypa işgärler bilen ýaş hünärmenleriň arasynda sorag-jogap alşyldy. Soňra maslahat bölümçeleriň birnäçesinde öz işini dowam etdi.
Çäräniň ahyrynda guramaçylar tarapyndan YBTGI-niň ýadawsyz, göreldeli zähmeti bilen tapawutlanýan işgärlerine Hormat hatlary we ýadygärlik sowgatlary gowşuryldy.
«Gazprom» 150 atmosfera basyşly gaz ulag ulgamyny döretmegi karar etdi
«Gazprom» işçi basyşy 150 atmosfera (14,8 Mpa) bolan gaz ulag ulgamyny döretmek hakynda karar kabul etdi. Anna güni Interfaks agentliginiň habar bermegine görä, bu barada Tatarystan nebitgazhimiýa forumynyň barşynda «Gazpromyň» iberijileriniň gününde kompaniýanyň başlygynyň orunbasary Oleg Aksýutin belledi.
Bilermen ÝB-de gazyň bahalarynyň aňry çäginiň girizilmegine mümkin bolan jogaby barada aýtdy
Ýewropada rus gazynyň bahasyna aňry çägiň girizilmegi beýleki iberijiler tarapyndan ýaramaz kabul edilip bilner, olar geljekde, ýagny baha çägi girizilende ibermeleriniň bahalaryny aşaklatmak islemeseler gerek diýip, Vygon Consulting kompaniýasynyň barlaglar boýunça direktory Mariýa Belowa Ria Nowosti agentligine gürrüň berdi.
Birža söwdalarynda dizel ýangyjyny we suwuklandyrylan gazy eksport etmek boýunça geleşikler baglaşyldy
Türkmenistanyň Döwlet haryt çig mal biržasynyň söwdalarynda 30-njy awgustda umumy bahasy ABŞ-nyň 17,7 mln dollaryna ýa-da 1,6 mln türkmen manadyna barabar bolan 13 sany geleşik baglaşyldy diýip, ORIENT habar berýär.
TEIF 2025 forumyna GECF-niň Baş sekretarynyň gatnaşmagy energetika hyzmatdaşlygyny ösdürmekde nobatdaky ädim bolar
Türkmenistanyň ykdysadyýetine daşary ýurt maýa goýumlaryny çekmek boýunça halkara forumyna (TEIF 2025) taýýarlyk işleriniň ýokary depginde dowam edýär. Bu forum 2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriler. “Türkmengaz” we “Türkmennebit” döwlet konsernleri hem-de Türkmenistanyň Söwda-senagat edarasy “Turkmen Energy Forum” hojalyk jemgyýeti bilen bilelikde guramagynda geçiriljek foruma gatnaşjak wekilleriň sany gün-günden artýar.
Türkmenistanyň Prezidenti Ýewropa Bileleşiginiň ýokary wekili bilen köpugurly hyzmatdaşlygyň geljegini maslahatlaşdy
27-nji martda Prezident Serdar Berdimuhamedow Ýewropa Bileleşiginiň daşary işler we howpsuzlyk syýasaty boýunça ýokary wekili, Ýewropa Komissiýasynyň wise-prezidenti hanym Kaýa Kallasy kabul etdi. Kallas Merkezi Aziýa ýurtlarynyň we Ýewropa Bileleşiginiň daşary syýasat edaralarynyň ýolbaşçylarynyň nobatdaky duşuşygyna gatnaşmak üçin ýurdumyza geldi diýip, TDH habar berýär.