Uzynada käninde nebitgaz pudagyndaky möhüm desga işe girizildi
09:15 05.06.2026 517
Balkan welaýatynyň çäginde ýerleşýän Uzynada ýatagynda gaz we nebit kondensaty garyndysyny bölýän hem-de daşaýan desga gurlup, ulanyşa girizildi. Bu täze desga «Türkmennebit» döwlet konserniniň «Nebitgazçykaryş» trestiniň «Gumdagnebit» nebitgaz çykaryş müdirliginiň sargydy boýunça «Nebitgazçykaryş» trestiniň Ýöriteleşdirilen gurnama müdirliginiň gurluşykçylary tarapyndan bina edildi.
«Türkmennebit» döwlet konserniniň «Nebitgazylmytaslama» instituty tarapyndan taslanan bu desga üç basgançakly separatoryň kömegi bilen Uzynada ýatagynda çykarylýan nebit-kondensat garyndysyny gazdan, şeýle-de suwdan we beýleki mehaniki garyndylardan arassalamaga mümkinçilik berýär. Aýrylan «mawy ýangyç» 32,3 km uzynlykdaky täze çekilen turbageçiriji arkaly Barsagelmez ýatagynyň gazgysyjy bekediňe ugradylýar.
Durnuklaşdyrylan nebit kondensaty ýörite gaplarda ýygnalyp, Gumdagyň nebit taýýarlaýjy we geçiriji bekedine daşalýar. Desga 3 million kub metr tebigy gazy we 2 müň tonna nebit-kondensat garyndysyny gaýtadan işlemäge ukyplydyr.
Hünärmenleriň bellemegine görä, täze desganyň ulanyşa girizilmegi Barsagelmez ýatagynda gazlift usuly bilen işleýän nebit guýularyny ýokary basyşly gaz bilen üpjün etmek üçin giň mümkinçilikleri açdy. Geljekde gaz ulgamyny halkalaýyn turbageçirijilere birikdirmek we akymy «Körpeje» gazgysyjy bekedine gönükdirmek hem meýilleşdirilýär.
Uzynada ýatagynda täze desganyň gurluşygy turbageçirijidäki garşylyk basyşynyň ep-esli peselmegine getirdi. Şol bir wagtyň özünde guýularyň önümçiligi ýokarlandy, bu bolsa ortaça 250 tonna goşmaça nebit çykarmaga mümkinçilik döretdi. Şeýle-de, burawlanmagy tamamlanan täze önümçilik guýularynyň ulanyşa girizilmegine päsgel berýän kynçylyklar üstünlikli çözüldi. Hazarýaka sebitleriniň geljegi uly ýataklarynyň golaýynda täze desganyň gurulmagy täze goşmaça nebitgaz gatlaklarynyň açylmagyna we giň ykdysady taýdan bähbitli mümkinçilikleriň döremegine ýardam berer.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.