«Türkmengaz» döwlet konserniniň «Daşoguzgazakdyryş» müdirliginiň «Döwletabat — Derýalyk» Baş gaz geçirijisiniň ugrunda ýerleşýän «Çöllük» önümçilik edarasynyň gazçylary «Türkmenistan — Bitaraplygyň mekany» ýylynyň her bir aýyny zähmet rowaçlyklaryna beslemek bilen, barha golaýlaşýan hemişelik Bitaraplygymyzyň şanly 25 ýyllyk senesini mynasyp zähmet sowgatly garşylamaklygy maksat edinýärler.
Müdirligiň düzümine girýän «Şatlyk», «Garagum» gaz gysyjy beketlerinden gelýän tebigy gazy arassalanan we güýçlendirilen görnüşinde demirgazykda ýerleşýän «Ýylanly» gaz gysyjy bekedine üstaşyr geçirmekde şu ýylyň her bir aýynyň tabşyryklaryny dolulygyna ýerine ýetirmegi başaran edarada häzirki döwürde işler gije-gündiziň dowamynda bökdençsiz alnyp barylýar. Tejribeli hünärmen Wepa Baýnazarowyň bu gaz gysyjy bekedine ýolbaşçylyk edip başlamagy bilen soňky ýyllarda alnyp barylýan işleriň depgini has-da artypdyr.
