«Daşoguzgazakdyryş» müdirliginiň «Gazawat» senagat meýdançasynyň gazçylary häzirki döwürde barha golaýlaşýan goşa senäni, ýagny hemişelik Bitaraplygymyzyň 25 ýyllyk şanly baýramçylygyny hem-de onuň yzysüre belleniljek Nebitgaz senagaty we geologiýa işgärleriniň gününi mynasyp zähmet sowgatlary bilen garşylamak ugrunda joşgunly işleýärler.
Bu ýere gelýän tebigy gaz ýurdumyzyň günortasynda ýerleşýän iri gaz ýataklarynyň biri bolan «Döwletabat» gaz käninden alnyp, «Döwletabat-Derýalyk» baş gaz geçirijisiniň ugrunda ýerleşýän «Şatlyk», «Garagum» we «Çöllük» gaz gysyjy beketleriniň üstünden gaýry himiki düzümlerden arassalanan we güýçlendirilen görnüşde akdyrylyp, welaýatyň sarp edijilerine ýetirilýär hem-de demirgazykda ýerleşýän «Ýylanly» we «Derýalyk» önümçilik edaralarynyň üsti arkaly daşary bazarlara çykarylýar.
