«Türkmengaz» DK-nyň Gökderedäki «Nesil» çagalar sagaldyş merkezinde tomusky dynç alyş möwsüminiň hem-de Halkara parahatçylyk we ynanyşmak ýylynyň çäklerinde «Sport – milletiň saglygy» atly sport bäsleşigi geçirildi.
Çäräni Aşgabat şäheriniň Bagtyýarlyk etrabynyň häkimligi, Türkmenistanyň Demokratik partiýasynyň etrap komiteti hem-de Magtymguly adyndaky Ýaşlar guramasynyň geňeşi bilelikde gurady.
«Nesil» sagaldyş merkezinde dynç alýan çagalar dürli sport görnüşleri boýunça güýç synanyşyp, öz ukyp-başarnyklaryny görkezdiler.
Bäsleşigiň jemlerine görä, gatnaşyjylara sagdyn durmuş ýörelgesine höweslendirýän sowgatlar gowşuryldy diýip, Demokratik partiýanyň Bagtyýarlyk etrap komitetinde habar berdiler.
