Ýagşygeldi Kakaýew adyndaky Halkara nebit we gaz uniwersitetiniň mugallymlary we talyplary ýurdumyzyň wekiliýetiniň düzüminde 1-3-nji oktýabr aralygynda BAE-de Dubai World Trade sergi merkezinde geçirilýän “Suw, energiýa, tehnologiýalar we daşky gurşaw” (WETEX 2024) halkara sergisine gatnaşýarlar.

Prezident Serdar Berdimuhamedow Türkmenistanyň halkynyň we Hökümetiniň adyndan jenap Sigeru Isiba Ýaponiýanyň Premýer-ministri wezipesine girişmegi mynasybetli gutlaglaryny iberdi diýip, TDH habar berýär.

Prezident Serdar Berdimuhamedow Germaniýa Federatiw Respublikasynyň Federal Prezidenti Frank-Walter Ştaýnmaýere, Federal Kansleri Olaf Şolsa we ýurduň ähli halkyna German bitewüliginiň güni mynasybetli tüýs ýürekden gutlaglaryny, iň gowy arzuwlaryny iberdi diýip, TDH habar berýär.

Türkmenistanyň DIM-nde ýurdumyzyň daşary işler ministriniň orunbasary A.Gurbanow bilen Ýaponiýanyň DIM-niň Merkezi Aziýa we Kawkaz sebiti boýunça ýörite wekili Isikawa Masakiniň arasynda geçirilen duşuşykda ikitaraplaýyn hem-de sebit hyzmatdaşlygynyň ileri tutulýan ugurlary maslahatlaşyldy. Bu barada Türkmenistanyň daşary syýasat edarasynyň saýtynda habar berilýär.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 9-sy hasaba alyndy.

Prezident Serdar Berdimuhamedow Türkmenistanyň halkynyň we Hökümetiniň adyndan, şeýle-de hut öz adyndan Hytaý Halk Respublikasynyň Başlygy Si Szinpine we Döwlet Geňeşiniň Premýeri Li Sýana hem-de ýurduň dostlukly halkyna Hytaý Halk Respublikasynyň jar edilen güni mynasybetli ýürekden gutlaglaryny, iň gowy arzuwlaryny iberdi.

Türkmenistan Ykdysady hyzmatdaşlyk guramasyna agza ýurtlara tebigy gazyň we elektrik energiýasynyň iberilmegini giňeltmäge taýýar. Bu barada Türkmenistanyň DIM-niň ýolbaşçysy Raşid Meredow BMG-niň Baş Assambleýasynyň 79-njy mejlisiniň çäklerinde Eýran Yslam Respublikasynyň daşary işler ministri Abbas Aragçiniň başlyklyk etmeginde Ykdysady Hyzmatdaşlyk Guramasyna agza döwletleriň daşary işler ministrleriniň ýyllyk duşuşygynda beýan etdi. Muny Türkmenistanyň DIM-i habar berýär.

28-nji sentýabrda BMG-niň Nýu-Ýork şäherindäki edara binasynda Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow bilen BMG-niň Baş Sekretary Antoniu Guterrişiň arasynda dușuşyk geçirildi diýip, Türkmenistanyň DIM-nde habar berdiler.

Şu gün, 27-nji sentýabrda, Türkmenistan mukaddes Garaşsyzlygymyzyň 33 ýyllygyny belleýär. Şanly sene mynasybetli ýurdumyzyň ähli künjeginde baýramçylyk çäreleri giň gerimde bellenilip geçilýär.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Prezident Serdar Berdimuhamedowyň gatnaşmagynda mukaddes Garaşsyzlygymyzyň 33 ýyllygy we Türkmenistanyň Halk Maslahatynyň mejlisiniň üstünlikli geçmegi mynasybetli Türkmenbaşynyň ruhy metjidinde sadaka berildi diýip, TDH habar berýär.

Prezident Serdar Berdimuhamedow Türkmenistanda ylym ulgamyny ösdürmegiň 2024 — 2052-nji ýyllar üçin Strategiýasyny tassyklamak hakynda Permana gol çekdi. Degişli resminama metbugatda çap edildi.

Prezident Serdar Berdimuhamedow Arkadag şäherini 2024 — 2052-nji ýyllarda ösdürmegiň Konsepsiýasyny tassyklamak hakynda Permana gol çekdi. Degişli resminama 25-nji sentýabrda resmi metbugatda çap edildi.

Türkmen halkynyň Milli Lideri Gurbanguly Berdimuhamedow Türkmenistanyň Halk Maslahatynyň mejlisinde ykdysady ösüş her bir ýurduň durnukly öňe gitmeginiň möhüm şertdigini aýtdy diýip, TDH habar berýär.

Şu gün, 24-nji sentýabrda Aşgabatda Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň nobatdaky mejlisi öz işine başlady.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 7-si hasaba alyndy.