Nebitgaz toplumynyň işgärleriniň kärdeşler arkalaşygy «Awazada» okuw maslahatyny geçirdi
05:28 29.02.2024 5355
Şeýle at bilen Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi, «Türkmennebit» DK-nyň Kärdeşler arkalaşygynyň komiteti, TKA-nyň Balkan welaýat birleşmesi tarapyndan okuw maslahaty geçirildi. «Awaza» milli syýahatçylyk zolagyndaky «Gämi» myhmanhanasynda guramaçylykly geçirilen okuw maslahatyna «Türkmennebit» döwlet konsernine degişli edara-kärhanalaryň KA-nyň ilkinji guramalarynyň başlyklary, gaznaçylary, derňew toparynyň agzalary, zähmeti goramak we tehniki howpsuzlyk bölüminiň inženerleri, TKA-nyň Balkan welaýat birleşmesiniň hukukçylary, tehniki gözegçileri, derňewçileri gatnaşdylar.
Birnäçe gün dowam eden okuw maslahatynyň dowamynda oňa gatnaşyjylar KA-nyň hukuklary, borçlary, wezipeleri hakynda, hormatly Prezidentimiziň baştutanlygynda ýurdumyzda gazanylýan üstünlikler, «Pähim-paýhas ummany Magtymguly Pyragy» ýylynyň iş meýilnamasy, zähmet gatnaşyklary, işgärleriň, hünärmenleriň zähmetiniň goragyna bolan hukuklary, Türkmenistanyň Zähmet kodeksine girizilen üýtgetmeler we goşmaçalar, ýurdumyzyň zähmet kanunçylygyna laýyklykda, zähmet gatnaşyklaryny düzgünleşdirmek babatda iş beriji bilen işgärleriň borçlary, hukuklary barada çykyşlara giň orun berildi. Çärä gatnaşyjylar ilkinji guramalarda maliýe serişdeleriniň talabalaýyk harçlanylyşy,
«Türkmennebit» DK-nyň düzümlerinde zähmeti goramak, tehniki howpsuzlyk düzgünleriniň önümçilikde ornaşdyrylyşy, edara-kärhanalarda köpçülikleýin şertnamalary baglaşmagyň tertibi, olaryň ýerine ýetirilişi, önümçiliklerde amatly iş şertleriniň döredilişi, bu işlerde jemgyýetçilik gözegçiliginiň ýola goýluşy we beýleki birnäçe ugurlar barada özara pikir, sorag-jogap alyşdylar, söhbetdeşlikleri guradylar.
Okuw maslahatynyň dowamynda sport, medeni çäreler, duşuşyklar geçirildi, gezelençler guraldy.
* * *
Şunuň ýaly okuw maslahaty «Türkmengeologiýa» döwlet korporasiýasynyň Türkmen geologiýa gözleg ekspedisiýasynda hem geçirildi. Oňa korporasiýanyň önümçilik düzümleriniň işgärleri, jemgyýetçilik guramalarynyň işjeň agzalary gatnaşdylar. Maslahatyň dowamynda hormatly Prezidentimiziň tagallasy bilen «Türkmengeologiýa» döwlet korporasiýasynyň ösdürilişi, edara-kärhanalarda iş şertleriniň gowulandyrylyşy, döredilýän amatlyklaryň önümçiligiň depginine netijeli täsiri, zähmet köpçüliginiň ýaşaýyş-durmuş şertleriniň ýokarlandyrylyşy hakynda çykyşlar boldy, KA-nyň işini kämilleşdirmek, önümçilik meseleleri, öňde duran wezipeler dogrusynda teklipler diňlenildi we ara alnyp maslahatlaşyldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.