Pakistanyň nebit ministri TOPH taslamasyny ilerletmek işine ygrarlylygyny mälim etdi
10:50 27.03.2024 4913
26-njy martda Türkmenistanyň Pakistandaky ilçisi Atajan Möwlamow Pakistanyň nebit ministri Musadik Mälik bilen duşuşyk geçirdi. Onuň barşynda ilçi ony ministr wezipesine girişmegi bilen gutlady.
Ministr Musadik Malik öz gezeginde ilçä minnetdarlyk bildirdi we iki ýurduň arasyndaky hyzmatdaşlygy dowam etdirmäge taýýardyklaryny mälim etdi. Şeýle hem ol TOPH taslamasynyň ähmiýetiniň uludygyny belläp, Pakistanyň bu taslamanyň üstünlikli tamamlanmagyna ygrarlydygyny aýtdy diýip, Pakistanyň Habar beriş serişdeleri üçin maglumat departamenti habar berdi.
Ministr Malik geçen möhletinde gazanylan ösüşleri täze möhletde hem dowam etdirmäge taýýardygyny belläp geçdi.
Ilçi Möwlamow hökümetara toparynyň we iş toparynyň öňde boljak duşuşyklary barada maglumat berdi. Türkmenistanyň ilçisi TOPH gaz geçirijisi taslamasynyň oňa gatnaşyjy ýurtlar üçin utuşly taslama bolup durýandygyny belledi.
Şeýle hem ilçi Pakistan tarapyna şu ýylyň aprel aýynda Pariž şäherinde geçiriljek Türkmenistanyň energiýa pudagyna daşary ýurt maýa goýumlaryny çekmek boýunça halkara göçme foruma gatnaşmak üçin çakylyk berdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.