Tokioda geçirilen Türkmen-ýapon işewürler forumy taraplaryň hyzmatdaşlygy berkitmäge taýýarlygyny tassyklady
10:49 01.04.2024 6355
27-nji martda Ýaponiýanyň Tokio şäherinde Ýaponiýanyň Daşary söwdany ösdürmek boýunça guramasynyň (JETRO) işjeň goldamagynda gurnalan Türkmenistan bilen Ýaponiýanyň bilelikdäki iri işewürlik forumy geçirildi diýip, Türkmenistanyň DIM-i habar berýär.
Forumyň açylyş dabarasynda Ýaponiýanyň JETRO guramasynyň başlygy we ýerine ýetiriji direktory Norihiko Işiguro we Türkmenistanyň Söwda we daşary ykdysady aragatnaşyklar ministri Begenç Goçmollaýew çykyş etdiler.
Çykyşlarda mundan beýläk hem hyzmatdaşlygy ösdürmäge bolan taýýarlyklar bellenilip, ikitaraplaýyn ykdysady mümkinçilikleriň ähmiýeti nygtaldy. Mundan başga-da, ýurtlaryň arasynda söwda-ykdysady hyzmatdaşlygy ösdürmek maksady bilen, Ýaponiýada Türkmenistanyň söwda öýüni we Türkmenistanda Ýaponiýanyň Daşary söwdany ösdürmek boýunça guramasynyň wekilligini açmak zerurlygy hem bellenildi.
Soňra forum üç bölümde dowam etdirildi. Forumyň birinji bölümi maýa goýum, ulag we logistika ugurlary boýunça Türkmenistan bilen Ýaponiýanyň arasyndaky hyzmatdaşlygy ösdürmek meselesine bagyşlandy. Forumyň ikinji bölüminde hususy pudakda hyzmatdaşlygy ösdürmegiň meseleleri ara alnyp maslahatlaşyldy. Üçünji bölümde Ýaponiýanyň Osaka şäherinde indiki ýyl geçiriljek “EKSPO-2025” Bütindünýä sergisinde Türkmenistanyň pawilýonynyň tanyşdyryş dabarasyndan ybarat boldy.
Forumyň çäklerinde Türkmenistanyň Söwda we daşary ykdysady aragatnaşyklar ministriniň birnäçe ikitaraplaýyn duşuşyklary, ýagny, Ýaponiýanyň Daşary söwdany ösdürmek boýunça guramasy, Ýaponiýanyň Ykdysadyýet, söwda we senagat ministrligi, Bütindünýä sergi boýunça ýapon bileleşigi, Ýaponiýanyň eksport we maýa goýum ätiýaçlandyryş agentligi, Russiýa-Ýewraziýa ylmy-barlag instituty, Ýaponiýanyň Halkara hyzmatdaşlyk agentligi, Ýaponiýanyň Halkara hyzmatdaşlyk banky hem-de “ING”, “Deutsche”, “SMBC” ýaly banklaryň ýolbaşçylary hem-de wekilleri bilen ikitaraplaýyn duşuşyklar geçirildi.
Bu duşuşyklar dürli ugurlar boýunça hyzmatdaşlygy berkitmek we ösdürmek, şeýle-de, işewürlik we maýa goýumlar üçin oňyn şertleri döretmek ýaly meselelerine gňnükdirildi.
Işewürlik forumynyň çäklerinde Türkmenistanyň Söwda we daşary ykdysady aragatnaşyklar ministrligi bilen Ýaponiýanyň Daşary söwdany ösdürmek boýunça guramasynyň arasynda Özara hyzmatdaşlyk hakynda Ähtnama gol çekildi. Munuň özi iki ýurduň arasyndaky ykdysady gatnaşyklary berkitmek we ösdürmek ugrunda möhüm ädimleriň biri bolup durýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.