Hytaý kompaniýasy Türkmenistana ýük ulaglarynyň tapgyryny iberdi
15:46 04.04.2024 7879
SANY hytaý kompaniýasy infrastrukturany goldamak üçin Türkmenistana 25 sany ýük ulaglaryny iberdi diýip, kompaniýanyň saýtynda habar berilýär. “SANY kompaniýasy mart aýynda Türkmenistana SYZ320C-8Y kysymly 25 sany ýük ulagyny üstünlikli getirendigini haabr bermäge şat” diýlip kompaniýanyň saýtynda habar berilýär.
Bellenilişi ýaly, “bu tapgyr Köýtendagda “Lebap” sement zawodynyň ikinji tapgyrynyň işe girizilmegine laýyk gelýär. Ýylda bir million tonna sement öndürmäge niýetlenen Lebap sement zawody dünýäniň öňdebaryjy öndürijileriniň kämil, ekologiýa taýdan arassa tehnologiýalaryny ulanmaga borçlandyrylýar. Bu çemeleşme SANY kompaniýasynyň gurluşygyň durnukly we netijeli usullaryna ygrarlylygyna laýyk gelýär” diýlip habarda aýdylýar.
Öndürijiniň bellemegine görä, “SANY kompaniýasynyň SYZ320C-8Y ýük ulaglarynyň bu taslamada peýdalanylmagy gurluşyk we logistika operasiýalarynyň netijeliligini hem-de ygtybarlylygyny ýokarlandyrar. Bu ýük ulaglary uzakmöhletliligi we öndürijiligi bilen tapawutlanýar, bu bolsa olary Lebap sement zawodynyň zerurlyklary üçin ýerine düşen çözgüt edýär”.
“Türkmenistanyň infrastruktura we senagat taslamalaryny ilerletdigi saýyn SANY kompaniýasy bu başlangyçlary goldamagyny dowam eder. Biz Türkmenistan bilen gatnaşyklarymyzyň mundan beýläk hem ösdürilmegine bil baglaýar. Bu tagallalar SANY kompaniýasynyň ýokary hilli tehnikalaryň we hyzmatlaryň kömegi bilen ägirt uly gurluşyk we ösüş taslamalaryny goldamak boýunça giň gerimli maksatnamasynyň bir bölegidir” – diýlip metbugat beýanynda aýdylýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.