Nebitgaz toplumynda hormatly Prezidentimiziň täze kitabynyň tanyşdyrylyş dabarasy geçirildi
13:02 06.04.2024 6453
Türkmenistanyň nebitgaz toplumynyň merkezi binasynda hormatly Prezidentimiziň «Änew — müňýyllyklardan gözbaş alýan medeniýet» atly täze kitabynyň tanyşdyrylyş dabarasy geçirildi. Ýokary derejede guramaçylykly geçirilen tanyşdyrylyş dabarasyna nebitgaz toplumynyň ýolbaşçylary, işgärleri, Ýagşygeldi Kakaýew adyndaky HNGU-nyň mugallymlary we talyplary gatnaşdy.
Tanyşdyrylyş dabarasynyň dowamyndaky çykyşlarda Arkadagly Gahryman Serdarymyzyň ýiti zehininden çykan eseriniň türkmen halkynyň şöhratly taryhyny hem-de asylly däp-dessurlardan ugur alýan baý medeni mirasyny öwrenmekde, giňden wagyz etmekde uly ähmiýete eýedigi nygtaldy. Şunuň bilen birlikde, mazmunynyň maglumatlara baýdygy, olaryň çeper we düşnükli dilde beýan edilýändigi bellenildi. Üstümizdäki ýylda akyldar Magtymguly Pyragy bilen medeni paýtagt, Türkmenistanyň gadymy şäheri Änew utgaşykly dabaralandyrylýar. Hut şonuň üçin hem bu kitabyň neşir edilmegi Änew şäheriniň «Türki dünýäsiniň medeni paýtagty» diýlip yglan edilen we «Pähim-paýhas ummany Magtymguly Pyragy» ýylynda watandaşlarymyz bilen birlikde nebitgaz toplumynyň işgärleri üçin hem ajaýyp sowgat boldy.
Kitabyň girişinde türkmen halkynyň özboluşly taryhy-medeni mirasy, bu ugurda döwlet maksatnamalarynyň durmuşa geçirilişi barada maglumat berilýär. «Gadymy Änewiň täsinligi» atly bapda kökleri müňýyllyklara uzaýan şäheriň taryhy, binagärlik ýadygärlikleri barada gürrüň gozgalýar. Şolaryň hatarynda XV asyrda bina edilen Seýit Jemaleddin ýadygärligi bar. Mälim bolşy ýaly, Seýt Jemaleddin ýadygärligi adamlaryň iň bir köp baryp, hem zyýarat, hem syýahat edýän, sadaka berýän ajaýyp künjekleriniň biridir. Bu ýerde ata-babalarymyzyň geçmişiniň bir parçasy jemlenýär. Onuň binagärlik toplumy we metjit 1948-nji ýylda Aşgabatda bolup geçen tebigy betbagtçylyk zerarly weýran boldy.
Çykyş edenleriň hormatly Prezidentimiziň kitabyna salgylanyp beýan edişi ýaly, Änew dünýäniň maddy medeniýetiniň möhüm sahypasy bolsa, Magtymguly Pyragy dünýäniň ruhy medeniýetiniň ösüşine goşandyny goşan beýik şahyrdyr. Ata-babalarymyzyň häzirki günlerimize çenli gelip ýeten gymmatly mirasy medeniýet, sungat işgärleri, ýazyjy-şahyrlar, žurnalistler üçin egsilmez ylham çeşmesi bolup hyzmat edýär. Hut şunda hem döwürleriň arasyndaky arabaglanyşyk, nesilleriň dowamatlylygy öz aýdyň beýanyny tapýar. Bular barada eseriň «Taryhy birleşdirýän uly wakalar» atly babynda söhbet açylýar.
Mundan başga-da, kitapda Ahal welaýatynyň edara ediş merkezi bolup durýan Änew şäheriniň şu güni barada söhbet edilýär. Häzirki döwürde bu ýerde toplumlaýyn özgertmeler ýaýbaňlandyrylyp, eziz Watanymyzyň gülläp ösmegine, halkymyzyň bagtyýar durmuşyny üpjün etmäge gönükdirilen iri maksatnamalar durmuşa geçirilýär.
Ygtybarly çeşmelere daýanýan täze kitap türkmen halkyny has-da ruhlandyrmaga, höweslendirmäge, döredijilikli zähmet çekmäge hyzmat eder, geçmişde ýaşap geçen ata-babalarymyzyň ruhuny tirsegine galdyrar, şöhratly taryhymyza buýsanç döreder, adamlaryň millilik duýgusyny, watansöýüjiligini ösdürer, halkymyzyň hormatly Prezidentimize bolan berk ynamyny has-da pugtalandyrar.
Dabaranyň dowamynda «Türkmengaz» döwlet konserniniň Medeni-işewürlik merkeziniň aýdymçylarynyň berkarar ýurdumyzyň waspyny ýetirýän aýdym-sazlary belentden ýaňlandy.
Nebitgaz toplumynyň merkezi binasynda geçirilen «Änew — müňýyllyklardan gözbaş alýan medeniýet» atly täze kitabyň tanyşdyrylyş dabarasyna gatnaşyjylar hormatly Prezidentimize Ýüzlenme kabul etdiler.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.