Maslahat geçirildi
04:05 16.04.2024 3284
«Türkmengaz» döwlet konserni, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan Ylmy-barlag tebigy gaz institutynda «Zähmeti goramakda kärdeşler arkalaşyklarynyň wezipeleri we hukuklary» atly maslahat geçirildi.
Nebitgaz toplumynyň önümçilik düzümleriniň işgärleriniň gatnaşmagynda geçirilen maslahatyň dowamynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Sapar Ataberdiýew, TKAAM-yň kärdeşler agzalarynyň durmuş-zähmet hukuklaryny goramak bölüminiň baş tehniki gözegçisi Perhat Öwezow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň tehniki gözegçisi Geldimyrat Seýtiýew, «Türkmengaz» döwlet konserniniň Zähmeti goramak we tehniki howpsuzlyk bölüminiň başlygy Ylham Jumageldiýew, «Türkmennebit» döwlet konserniniň «Nebitgazburawlaýyş» trestiniň Abatlaýyş-sazlaýyş we elektrogurnama müdirliginiň zähmeti goramak we tehniki howpsuzlyk bölüminiň başlygy Baýramsoltan Gurbanowa, Ylmy-barlag tebigy gaz institutynyň laboratoriýa müdiri Myrat Baýramgylyjow, «Türkmengeologiýa» döwlet korporasiýasynyň Merkezi barlaghanasynyň bölüm başlygy Baýramgözel Italmazowa we beýlekiler çykyş etdiler.
Çykyşlarda bellenilişi ýaly, Berkarar döwletiň täze eýýamynyň Galkynyşy döwründe hormatly Prezidentimiziň tagallasy bilen ýurdumyzyň ähli künjeklerinde täze, döwrebap edara-kärhanalar gurulýar. Olarda işgärler üçin ýokary amatlykly howpsuz zähmet şertleri doly üpjün edilýär. Zähmeti goramak häzirki zaman halkara hukugynyň we milli kanunçylygyň möhüm talabydyr we derwaýys wezipesidir. Şuňa görä-de, ýurdumyzda bu derwaýys işi talabalaýyk ýola goýmaklyga möhüm ähmiýet berilýär.
Şundan ugur alyp, ýurdumyzyň döwrebap senagat kärhanalarynda zähmeti goramaklyga, ýangyn, tehniki we ekologiýa howpsuzlygynyň hem-de önümçilik sanitariýasynyň talaplaryny we kadalaryny doly üpjün etmeklige gönükdirilen çäreler yzygiderli alnyp barylýar.
Türkmenistanyň Zähmet kodeksiniň talaplaryna hem-de Türkmenistanyň Kärdeşler arkalaşyklarynyň Tertipnamasyna laýyklykda, ýurdumyzyň kärdeşler arkalaşyklarynyň guramalary işgärleriň we hünärmenleriň howpsuz iş hem dynç alyş şertleriniň döredilişine jemgyýetçilik gözegçiligini amala aşyrmakda netijeli meýilnamalaýyn işleri yzygider alyp barýarlar.
Türkmenistanyň Nebitgaz toplumynyň kärdeşler arkalaşygynyň geňeşi tarapyndan hem bu babatda netijeli işler geçirilýär. Nebitgaz senagatynyň düzümlerinde geçirilýän şeýle möhüm işleriň hatarynda zähmeti goramak, zähmet howpsuzlygynyň düzgünleriniň berjaý edilişine gözegçilik boýunça duýduryş, düşündiriş we öňüni alyş çäreleri bar.
Ylmy-barlag tebigy gaz institutynda geçirilen maslahatyň barşynda kärdeşler arkalaşygynyň hünärmenleri çärä gatnaşyjylar bilen söhbetdeşlik gurap, sorag-jogap alyşdylar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.