Halkara olimpiada gatnaşyjylara söz berýäris
10:24 18.04.2024 6042
Aleksandr MÝASNIKOW,
A.N.Tupolew adyndaky Kazan milli gözleg tehniki
uniwersitetiniň talyby:
- Men Aşgabatda geçirilýän Türkmenistanyň we daşary ýurtlaryň ýokary okuw mekdepleriniň talyplarynyň II Açyk halkara informatika olimpiadasyna gatnaşýandygyma diýseň buýsanýaryn. Biz Aşgabadyň täsin hem-de dünýäde iň bir owadan şäherleriň biridigine ýene bir gezek göz ýetirdik. Uçaryň guşuçar belentliginden açylýan şäheriň gözelligini söz bilen beýan etmek kyn. Türkmenistan özüniň innowasion ösüşi, ak mermerli gözel paýtagty, dynç alyş zolaklary, beýik binalary, taryhy ýadygärlikleri, bagy-bossanlygy bilen her bir ynsanyň göwnüni göterýär we ruhuny galkyndyrýar. Bu olimpiada talyp ýaşlaryň dünýägaraýşyny giňeldýär we olaryň öňünde täze mümkinçilikleri açýar, halklaryň dost-doganlygyny has hem berkidýär.
Şeýle ýokary guramaçylykdaky çäreleri guramaga we gatnaşmaga döredip beren mümkinçilikleri üçin Türkmenistanyň Prezidentine hoşallygymy bildirýärin.
Ilýa MALOW,
A.N.Tupolew adyndaky Kazan milli gözleg tehniki uniwersitetiniň talyby:
- Türkmenistana birinji gezek gelip gördüm. Aşgabadyň howasy, tämizligi we gözelligi, türkmen halkynyň myhmansöýerligi, açyk göwünliligi, şeýle hem ýaşlaryň bilime, ylma höwesekligi mende örän ýakymly täsirleri galdyrdy. Men Türkmenistan we onuň gözel paýtagty Aşgabat barada kän maglumatlary bilýärin. Muňa garamazdan, bu ajaýyplygy öz gözüň bilen görmek, duýmak düýbünden başga-ça bolýan eken. Türkmen ýaşlarynyň medeniýeti, dost-doganlyga ygrarlylygy, giň düşünjeliligi, mynasyp gylyk-häsiýetleri, bilim-ylym derejeleri öwgi sözleriniň ählisine-de mynasypdyr.
Türkmenistanyň we daşary ýurtlaryň ýokary okuw mekdepleriniň talyplarynyň II Açyk halkara informatika olimpiadasyna gatnaşyjylara üstünlik arzuw edýärin. Şeýle guramaçylykly çäreleri geçirmekde tagallalaryny gaýgyrmaýan Türkmenistanyň Prezidentine minnetdarlygymyzy bildirýäris.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.