Tebigaty söýüjiler gözelligiň goragynda
05:13 23.04.2024 4557
Golaýda Köýtendag döwlet tebigy goraghanasynda «Gözel tebigatymyzy ýangyn howpundan goralyň!» diýen at bilen usuly-okuw maslahaty geçirildi. Türkmenistanyň Tebigaty goramak jemgyýetiniň Lebap welaýat bölüminiň guran çäresine welaýat polisiýa müdirliginiň ýangyn howpsuzlygy bölüminiň, Köýtendag etrabynyň edara-kärhanalarynyň wekilleri gatnaşdylar.
Tutumly usuly-okuw maslahatynyň şu ýerde geçirilmeginiň özüne ýetesi sebäpleri bar. Köýtendag ýurdumyzyň iň gözel ýerleriniň biri bolmak bilen, özünde janly-jandarlaryň, ösümlikleriň örän seýrek duş gelýän görnüşlerini jemleýär. Maslahatyň çäginde Türkmenistanyň Tebigaty goramak jemgyýetiniň Lebap welaýat bölüminiň başlygynyň orunbasary Merdan Jumaýewiň, şol bölümiň tebigat gözegçisi we wagyzçysy Rejepgül Huddyýewanyň, Lebap welaýatynyň polisiýa müdirliginiň ýangyn howpsuzlygy bölüminiň okuw nokadynyň mugallymy, içerki gullugyň uly leýtenanty Agajan Weliýewiň we beýlekileriň çykyşlarynda umumadamzat ähmiýetli meselelerde ýurdumyzyň dünýä nusgalyk görelde görkezýändigi, dünýäde ekologiýa howpsuzlygyny üpjün etmekde, tebigatda deňagramlylygy saklamakda halkara ähmiýetli başlangyçlary öňe sürýändigi buýsanç bilen bellenilip geçildi. Bu işlere tebigaty goramak jemgyýetiniň agzalary işjeň gatnaşýarlar. Tebigata aýawly çemeleşmek, ýangyn howpunyň öňüni almak bilen baglanyşykly geçirilýän öwüt-ündew çäreleri saýaly we miweli agaçlaryň, dürli gülleriň nahallaryny köpçülikleýin ösdürip ýetişdirmek, arassaçylyk işlerini geçirmek, ozaldan bar bolan baglara ideg etmek boýunça geçirilýän ýazky we güýzki çärelere işjeň gatnaşmak bilen sazlaşykly utgaşdyrylýar.
Maslahatda ýurdumyzyň ilatly ýerlerini gazlaşdyrmak bilen baglanyşykly maksatnamanyň üstünlikli durmuşa geçirilmeginiň tebigata oňyn täsirini ýetirýändigi kanagatlanma bilen bellenildi. Tebigy gaz Köýtendagyň çägindäki çetki obalaryň ilatyna hem elýeterli boldy. Şonuň netijesinde ýangyç hökmünde tokaý ösümliklerini peýdalanmak zerurlygy aradan aýryldy. Amatly ýangyçdan peýdalanylyp başlanmagy ilatdan degişli howpsuzlyk düzgünlerini berjaý etmegi hem talap edýär. Degişli hünärmenler olar barada giňden durup geçdiler we «mawy ýangyjy» tygşytly peýdalanmagyň möhümdigini bellediler.
Täsirli çärä gatnaşyjylar Köýtendagyň gözel ýerleri bolan Daraýderede, Kyrkgyz gowagynda, dinozawrlaryň aýak yzlary ýerleşýän tekizlikde, arnap tokaýlyklarynda, Köýten obasynyň ýanyndaky kölde we beýleki ýerlerde bolup, tebigatyň gözelliginden lezzet aldylar hem-de gün tertibindäki meseleleri gyzyklanma bilen ara alyp maslahatlaşdylar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.