«Energetika diplomatiýasynyň esaslary we energiýa serişdeleri»
05:16 23.04.2024 7263
Ýakynda şeýle at bilen täze kitap okyjylar köpçüligine we talyplara okuw gollanmasy hökmünde gowuşdy. Bu kitap nebitgaz toplumynyň işgärleri üçin uly sowgat boldy.
«Energetika diplomatiýasynyň esaslary we energiýa serişdeleri» atly bu täze düýpli iş ýurdumyzda birnäçe ylmy işleri, ylaýta-da nebitgaz toplumynda uly işleri ýerine ýetiren hukuk ylymlarynyň kandidaty A.K.Abdullaýew we halkara nebitgaz taslamalary boýunça bilermen, tehniki ylymlaryň kandidatynyň alymlyk derejesine dalaşgär G.W.Agajanow tarapyndan taýýarlanyldy. Okyjylar köpçüliginde uly gyzyklanma döretjek täze kitap hukukşynaslyk, halkara hukugy, halkara gatnaşyklary barada taýýarlyk ugurlary we hünärleri boýunça bilim alýan raýatlar, ýokary okuw mekdeplerinde okaýan talyplar üçin niýetlenildi. Şu nukdaýnazardan kitap maglumatlara, çuň manyly pikirlere baýlygy, mazmunynyň giňligi bilen tapawutlanýar. Täze neşiriň häzirki döwrüň esasy meselesi bolan energetika diplomatiýasy babatda köp sanly sowallara yzygiderli jogap berjekdigi, Türkmenistanyň halkara derejesinde alyp barýan işlerinde öňe sürýän parasatly syýasatyna we bütin dünýäniň halkara gatnaşyklarynda diplomatiýa diýen düşünjä has-da anyk ýagdaýda düşünmeklige ýardam etjekdigi bellärliklidir.
Kitap jemi 6 bölümden: energetika diplomatiýasy; energetika howpsuzlygy, energetika — energetika diplomatiýasynyň we howpsuzlygyň obýekti hökmünde; energetika diplomatiýasynyň derejeleri; importýor we eksportýor döwletleriň energetika diplomatiýasy; Türkmenistanyň energetika diplomatiýasynyň ählumumy derejede we sebitde energetika howpsuzlygyny üpjün etmek boýunça aýratynlyklary; energetika howpsuzlygyny üpjün etmekde ekologiýa degişli meseleler atly bölümlerden ybarat bolup durýar:
Okuw gollanmasy umumy diplomatiýanyň bölümi hökmünde energetika diplomatiýasy babatda giňişleýin düşünje berýär. Türkmen halkynyň Milli Lideri, Gahryman Arkadagymyzyň we Türkmenistanyň hormatly Prezidenti Serdar Berdimuhamedowyň energetika diplomatiýasy we howpsuzlygy boýunça Türkmenistanyň halkynyň bähbitlerine gönükdirilen başlangyçlaryna, ýörelgelerine, maksatlaryna esaslanýar. Halkara umumy diplomatiýasyny ösdürmegiň häzirki tapgyrynda energetika diplomatiýasy aýratyn orny eýeleýär.
Kitabyň maksady we wezipeleri türkmen ýaşlaryna, talyplaryna özbaşdak pikirlenmegi hem-de okuwda, durmuşda käbir ýüze çykyp biläýjek esasy meseleleriň çözgütlerini tapmagy, kabul etmegi öwretmekden ybaratdyr.
Bu okuw gollanmasynda «energetika diplomatiýasy», «energetika howpsuzlygy» ýaly umumy düşünjeler, energetika diplomatiýasynyň derejeleri we nebit-gazly döwletleriň strategiýasy giňişleýin seljerilýär. Ýurdumyzyň energiýa serişdelerine, olaryň tehniki-ykdysady aspektlerine, klassifikasiýasyna, energiýa serişdeleriniň bazar gatnaşyklaryna we häzirki zaman energetika howpsuzlygyna degişli wajyp meseleler kitapda beýan edilýär.
Makroykdysady, mikroykdysady ýagdaýlar, maýa goýum bilen bagly meseleler kitabyň içinden eriş-argaç bolup geçýär we tablisalar arkaly birnäçe döwletleriň sanawda haýsy ýerleri eýeleýänligi seljerilýär. Muňa nebitiň has köp gorlaryna eýe bolan döwletler, dünýäde nebit çykarmak boýunça has iri döwletler, nebiti has köp sarp edýän döwletler, dünýäde gaz çykarmak boýunça has iri döwletler, tebigy gazyň has köp we subut edilen gorlaryna eýe bolan 20 sany döwlet, nebiti eksport edýän döwletler, nebiti importirleýän döwletler diýen tablisalara bölünen ýurtlaryň sanawy şaýatlyk edýär.
Şu nukdaýnazardan kitabyň Garaşsyz ýurdumyzda nebit we gaz ugrundan bilim alýan ýokary okuw mekdepleriniň talyplary, halkara hukugy, halkara gatnaşyklary we diplomatiýasy pudagyna ýöriteleşdirilen ugurlar boýunça hünärmenler üçin peýdasy uludyr. Oňa maslahat hökmünde awtorlar tarapyndan işlenip taýýarlanan «Energetika diplomatiýasy we energetika serişdeleri» kursy boýunça okuw meýilnamasynyň taslamasy hem goşulýar.
Umuman, kitabyň haýsy bir bölümini alanyňda-da, ýurdumyzyň iň iri ykdysady pudaklarynyň biri bolan nebitgaz toplumy ýa-da beýleki pudaklar bolsun, şu okuw gollanmasynyň awtorlary talyplaryň ýokarda görkezilen başarnyklara we ukyplara eýe boljakdygyna bil baglaýarlar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.