Garaşsyzlyk bilen galkynan şahyryň täze kitaby neşir edildi
05:21 23.04.2024 5805
Garaşsyzlyk ýyllarynda ýazyjy-şahyrlaryň, žurnalistleriň, umuman, medeniýet we sungat bilen meşgullanýan ähli adamlaryň dürli neşirlerde köpçülige ýetirýän eserlerinde galkynyşyň, ruhubelentligiň, ýurdumyza guwanç, buýsanç duýgusynyň güýçlüdigi mese-mälim görünýär. Ýeri gelende ýene-de bir aýratynlygyň aýyl-saýyl öňe çykýandygyny bellemelidir. Türkmenistanda berkarar döwletiň gurulmagy bilen diňe medeniýet, sungat adamlarynyň däl, eýsem, beýleki pudaklaryň işgärleriniň arasynda hem döredijilik işine höwesli girişýäni örän köp. Olar gazet-žurnallarda, teleradioýaýlymlarda ýygy-ýygy çykyş edýärler. Şeýle zehinli awtorlaryň arasynda «Nebit-gaz» gazeti bilen işleşýänleri hem bar. Türkmenistanyň Dokma senagaty ministrliginiň iş dolandyryş bölüminiň başlygy Rahman Döwletow şolaryň biridir.
Şahyryň döredijiliginiň tematikasy baý we köptaraplaýyndyr, goşgularynyň sadadan çeperligi, akgynlylygy, esasan hem, halkyň durmuşyna örän ýakynlygy okyjyny özüne çekýär. Awtoryň şygyrlarynyň süňňünden Gahryman Arkadagymyza, Arkadagly gahryman Serdarymyza, Garaşsyz ýurdumyza, gözel ilimize söýgi we buýsanç eriş-argaç bolup geçýär. Ýakynda bolsa Rahman Döwletowyň Türkmen döwlet neşirýat gullugy tarapyndan çap edilen täze kitaby okyjylara gowuşdy. «Kalp owazlary» atly dört bölümden ybarat goşgular çemeni tutuşlygyna watansöýüjilik we millilik ruhuna ýugrulan, kitapda asyllylyk, sabyr-kanagatlylyk, halallyk ýaly belent adamçylyk sypatlary çür depä göterilýär. Bu hem şygyrlaryň terbiýeleýjilik ähmiýetini artdyrýar.
Döredijilikde öz ýoluňy tapmak, özbaşdak äheň, biçüw, ýörelge gözlemek kämillige ymtylyşdyr. Şahyryň sadadan halky goşgularynyň ählisi diýen ýaly adamlara mähirli garamagy, birek-birege hormat goýmagy, ata Watanyň her bir nokadyny, her gysym topragyny on iki süňňüň bilen söýmegi ündeýär. Şahyr bu ündewi özboluşly ýol bilen bermegi başarypdyr.
Biz jogapkärli işiniň daşyndan döredijilik dünýäsini ymykly hemra edinen zehinli şahyra geljekde hem üstünlik arzuw edýäris. Goý, onuň adamlaryň biri-birine ýagşylyk etmek, mähir-mylakatly bolmak, ata Watanymyzy il-güni bilen söýmek, perzent terbiýesi, ene-ata borçlulyk we olaryň hatyrasyny hemişe ileri tutmak pikirini baş maksat saýýan goşgularynyň we täze kitabynyň höwri köp bolsun.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.