Türkmenistan halkara maýadarlaryna ýangyç-energetika toplumynda birnäçe taslamalara gatnaşmaga çagyrýar
06:57 25.04.2024 3961
Parižde badalga alan forumyň maksady Türkmenistanyň energetika pudagynyň ähli ulgamlaryna göni daşary ýurt maýa goýumlaryny çekmek bolup durýar diýip, Türkmenistanyň Prezidentiniň nebitgaz meseleleri boýunça geňeşçisi 24-nji aprelde forumyň açylyş dabarasynda eden çykyşynda belledi.
Bu ulgamlar nebiti we gazy çykarmak, ibermek we gaýtadan işlemek, energiýanyň dikeldilýän çeşmelerini işläp düzmek, uglewodorod känlerini işläp taýýarlamagyň ekologiýa jähtleri bilen baglydyr.
Begliýewiň nygtaýşy ýaly, Türkmenistan halkara maýadarlaryna gury ýerde dünýäde iri gaz käni bolan “Galkynyş” gaz känini, Hazar deňziniň türkmen kenarynda geljegi uly bloklary işläp taýýarlamak we gün we ýel energetikasyny ösdürmek, ählumumy bazarlara ygtybarly, durnukly, ekologiýa taýdan arassa energiýany ibermek boýunça taslamary hödürleýär.
Türkmenistanda milli ösüş maksatnamasyna laýyklykda, ýurduň nebitgaz toplumynda ýakyn wagtlarda daşary ýurt maýa goýumlaryny çekmek bilen birnäçe iri taslamalary durmuşa geçirmek meýilleşdirilýär diýip, Türkmenistanyň Prezidentiniň geňeşçisi belledi.
Şolaryň hatarynda: “Galkynyş” käniniň nobatdaky tapgyrlaryny işläp taýýarlamak; Hazar deňziniň türkmen bölegindäki ygtyýarly bloklary özleşdirmäge gatnaşmak; öndürijilikli plastlaryň nebit berijiliginiň artdyrmak boýunça maýa goýum taslamalary; nebit we gazhimiýa; ýerasty gaz ammarlaryny gurmak; “açary gowşurmak şerti bilen” iri senagat desgalaryny gurmak bar.
Bu taslamalara gatnaşmak üçin mümkin bolan hyzmatdaşlara özara bähbitli hyzmatdaşlygyň birnäçe görnüşleri teklip edilýär diýip, Begliýew belleýär. Ýagny, “Uglewodorod serişdeleri hakynda” Türkmenistanyň hereket edýän kanunyna laýyklykda, serwis şertnamalary, çykarýan, gaýtadan işleýän, gurýan nebit, gaz we himiýa senagaty boýunça işleriň aýry görnüşleri boýunça serwis şertnamalary, gaz turbinalary, kompressor we sorujy enjamlar ýaly, nebitgaz enjamlaryna ideg etmek we abatlamak boýunça bilelikdäki serwis kompaniýalaryny döretmek.
- Türkmenistanyň daşary ýurtly maýadarlar üçin özüne çekiji bolmagynyň esasy şertleriniň hatarynda – ýurtdaky durnukly ykdysady we syýasy ýagdaý bolup durýar, şeýle hem kanunçylyk binýat we döwlet kepilli hereket edýär diýip, Begliýew nygtady.
Ol şu gezekki halkara forumyň türkmen we halkara nebitgaz kompaniýalarynyň arasynda gatnaşyklary mundan beýläk hem berkitmäge ýardam etjekdigini we ýurda daşary ýurt maýa goýumlaryny çekmekde oňat meýdança boljakdygyna ynam bildirdi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.