Türkmenistan TOPH energetika taslamasyny halkara hukugyna pugta eýerip öňe sürýär
16:58 25.04.2024 5404
Türkmenistan Günorta Aziýa her ýylda 33 milliard kub metr gaz iberjek TOPH gaz geçirijisiniň gurluşygynda düýpli öňegidişlik gazandy diýip, TAPI Pipeline Company Ltd kompaniýasynyň Direktorlar geňeşiniň başlygy Muhammetmyrat Amanow şu günlerde Parižde geçirilýän Türkmenistanyň nebitgaz pudagyna daşary ýurt maýa goýumlaryny çekmek boýunça halkara göçme forumynda çykyşynda belledi (TEIF 2024).
Amanowyň bellemegine görä, gaz geçirijiniň türkmen böleginiň gurluşygy tamamlandy, Türkmenistanyň çäginden daşarda taslamany ilerletmek boýunça gepleşikler bolsa halkara standartlaryny nazara alyp dowam edýär.
Taslama kömür we nebit bilen deňeşdirilende zyňyndylary düýpli azaltmak üçin tebigy gazy ulanmagyň hasabyna ekologiýa durnuklylygyna ähmiýet berýär. Şol bir wagtda howanyň hapalanmagynyň meselesini çözmek we sebitde howanyň hilini gowulandyrmak meselelerine ähmiýet berýär diýip, Amanow belledi.
Belläp geçmeli möhüm zatlaryň biri hem, Türkmenistan taslamany halkara hukugyna laýyklykda durmuşa geçirýär. “Taslamany işläp düzmegiň dowam edýän döwründe Türkmenistan halkara hukugynyň berjaý edilmegine, öz borçnamalaryny ýerine ýetirmegine we halkara kadalaryna hem-de düzgünlerine ygrarlylygyny saklap galýar” diýip, Amanow belledi. Bu hili çemeleşme Türkmenistanyň TOPH taslamasyny durmuşa geçirmekde ählumumy hyzmatdaşlyga we hukuk ýörelgelerini berjaý etmeklige ygrarlylygyny tassyklaýar.
Geljekde taslamanyň ünsi Owganystanda “Hyrat” stansiýasy” Strategiýasyna gönükdiriler. Ol howanyň hapalanmagynyň derejesini peseltmegiň hasabyna daşky gurşawy goramakda möhüm orun eýelär. Şol bir wagtda ol jemgyýetçilik howpsuzlygyny üpjün etmäge we taslamany mundan beýläk hem ilerletmäge ýardam eder. Mundan başga-da, ol irki tapgyrlarda girdejiniň gelmegini üpjün eder we maýadarlaryň ynam derejesini artdyrar.
Gurluşygy tamamlanandan soň, TOPH gaz geçirijisi energetika howpsuzlygyny berkitmek, şol bir wagtda halkara hukuk tejribesiniň iň ýokary standartlaryny berjaý etmek bilen sebit ösüşine täsir etmek bilen, Günorta Aziýanyň energetika ýagdaýyna düýpli täsir eder.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.