TEIF 2024 Halkara forumyna gatnaşyjy bilen söhbetdeşlik
10:31 30.04.2024 8128
Türkmenistanyň nebitgaz pudagyna daşary ýurt maýa goýumlaryny çekmek boýunça Parižde geçirilen halkara göçme forum (TEIF 2024) barada täsirleri, ýolbaşçylyk edýän kompaniýasynyň işi barada Daniýanyň “Haldor Topsoe” kompaniýasynyň ygtyýarnama direktory Rikard Wanbi paýlaşdy.
- Kompaniýaňyzyň Türkmenistanyň milli ykdysadyýetiniň energetika pudagyny ösdürmäge gatnaşygy barada gürrüň beräýseňiz.
- Türkmenistan iň ýakyn hyzmatdaşlarymyzyň biri. Bir ýurtda 2 sany iri taslamany durmuşa geçirdik. Olar – kompaniýamyzyň tehnologiýasy esasynda gazdan benzin öndürýän zawod, ikinjisi – Garabogazdaky zawod.
Bu günki gün Türkmenistan “Haldor Topsoe” kompaniýasynyň işläp düzen TIGAS tehnologiýasy esasynda tebigy gazdan sintetiki benzin almak boýunça zawodyň gurlan we üstünlikli hereket edýän dünýäde ilkinji hem ýeke-täk ýurdy.
Häzirki wagtda Türkmenistan beýleki ýurtlaryň ugur, mysal alýan özboluşly nusgasyna öwrüldi. Bu hili önümçiligi ýola goýmak üçin diýseň köp şertler gerek. Ilkinji nobatda, ägirt uly gaz gory, benzine bolan zerurlyk. Bularyň ikisi hem Türkmenistanda jemlenen.
- Türkmenistan bilen hyzmatdaşlygyňyza nähili baha berýärsiňiz?
- Bir söz bilen aýdylanda, diýseň oňat gatnaşyklarymyz bar. Bu ýurtda işlemegiň öz aýratynlygy bar. Bize diýseň dostlukly garaýarlar, kompaniýamyza Türkmenistanda işlemek örän ýeňil.
- Şular ýaly iri forumlara ýygy-ýygydan gatnaşýarsyňyzmy?
- Kompaniýamyz Türkmenistan tarapyndan geçirilýän energetiki forumlara elmydama gatnaşýar. Geçen ýyl “Haldor” Topsoe-niň” wekilleri Dubaýda geçirilen şular ýaly foruma gatnaşdylar.
- Pariž forumynyň guramaçylyk derejesine nähili baha berersiňiz?
- Guramaçylyk ajaýyp. Foruma gatnaşyjylar bilen söhbetdeş bolmak, olaryň tekliplerini, gazananlaryny maslahatlaşmak örän gyzykly boldy. TEIF 2024 forumy netijeli iş üçin örän oňat meýdança boldy.
- Siziň kompaniýamyz ýurdumyzyň öňden gelýän hyzmatdaşy. Türkmen energetika bazaryna girmegi, Türkmenistan bilen uzakmöhletleýin gatnaşyklary gurmagy meýilleşdirýän beýleki kompaniýalara näme maslahat bererdiňiz?
- Ýeňil sowal däl. Taýýar önümi paýlaşmak hakynda şertnama esasynda işleýän bilelikdäki kärhanalar barada pikir edilse, maksadalaýyk bolar diýip pikirlenýän. Mysal üçin, ýurtda “Petronas”, “Dragon Oil”, “Mitro” ýaly iri kompaniýalar şu görnüşde iş alyp barýarlar.
Ýurdy içinden has oňat tanamaklary, mümkinçilikler bilen has ýakyndan tanyşmaklary üçin kompaniýalary ýurda çekmek zerur hasaplaýaryn.
- Sagboluň, ýurdumyz bilen netijeli gatnaşyklary mundan beýläk hem ösdürmekde üstünlikleri arzuw edýärin.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.