Türkmenistanyň nebitgaz toplumynyň kompaniýalary Zähmeti goramagyň Bütindünýä gününe bagyşlanan maslahat geçirdiler
10:33 30.04.2024 8013
“Dragon Oil” kompaniýasy “Türkmennebit” döwlet konserniniň goldaw bermeginde ýurdumyzda 28-nji aprelde bellenilip geçilýän Zähmet goramagyň Bütindünýä güni mynasybetli zähmet goramagy, howpsuzlyk tehnikasy we ekologiýa howpsuzlygy dolandyrmak boýunça maslahatyň guramaçysy bolup çykyş etdi. Bu barada “Neýtralnyý Türkmenistan” gazetinde habar berilýär.
Foruma nebitgaz çykaryş, logistika, uglewodorodlary ibermek, şeýle hem hojalyk idegi we iýmit ulgamynda iş alyp barýan türkmen we daşary ýurt kompaniýalarynyň ýolbaşçylary we öňdebaryjy hünärmenleri gatnaşdy.
“Dragon Oil” kompaniýasynyň baş ýerine ýetiriji direktory Ali Raşid al-Jarwan we “Türkmennebit” DK-nyň başlygy Guwanç Agajanow ýygnananlaryň öňünde gutlag sözi bilen çykyş etdiler. Bellenilişi ýaly, Türkmenistan ekologiýa howpsuzlygyna we zähmeti goramaklyga iň ýokary talaplary bildirýär. Şeýle hem bellenilişi ýaly, gaýtalanmajak ekoulgama eýe bolan Hazar deňzindäki taslamalar aýratyn ünsi talap edýär. Hazarda amala aşyrylýan ykdysady taslamalaryň ählisi iň ýokary halkara ekologiýa talaplaryna laýyklykda ýerine ýetirilýär.
Maslahatyň mejlislerinde howpsuzlygyň esasy wehimlerini dolandyrmagyň umumy ýörelgeleri we nebitgaz ulgamynda işleriň dürli görnüşleri alnyp barlanda zyýanlary azaltmak, deňiz daşamalaryny guramakda öňdebaryjy usullar, adam faktoryny azaltmak boýunça dünýäniň nebitgaz senagatynda hereket edýän tertipler we düzgünler, zähmeti goramak boýunça ýokary pudaklaýyn talaplary goldamak boýunça işgärleriň habarlylygyny we jogapkärçiligini ýokarlandyrmak meseleleri maslahatlaşyldy.
«Dragon Oil», «Caspian Driller», «Odjfell», «ILK Construction, Sowda Gurlushyk Maslahat», «Injener Chozgutleri», «NCG Services Ltd.», «Schlumberger», «Baker Hughes», «Bue Marine», «Arassa Dеňiz» we beýleki kompaniýalaryň wekilleri nebitgaz ulgamynda howpsuzlygy dolandyrmak ulgamyny gowulandyrmaga gönükdirilen bilelikdäki başlangyçlary maslahatlaşdylar.
“Dragon Oil” Hazar deňziniň türkmen böleginde nebitgaz känlerini özleşdirmekde Türkmenistanyň öňden gelýän hyzmatdaşlarynyň biri. Operasion işiň howpsuzlygyny we daşky gurşawyň goraglylygyny üpjün etmeklik kompaniýanyň işiniň esasy ugry bolup durýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.