Ýokary tizlikli awtomobil ýolunyň ugrunda täze AÝGB-ler işe girizildi
11:53 03.05.2024 4881
Mary welaýatynyň Mary etrabynda Aşgabat-Türkmenabat ýokary tizlikli awtomobil ýolunyň Tejen-Mary böleginiň 309,7-nji kilometrinde iki sany täze Awtoulaglara ýangyç guýujy beket işe girizildi. Olar “Türkmennebit” döwlet konserniniň “Türkmennebitönümleri” baş müdirliginiň Wekilbazar nebit önümleri kärhanasynyň sargydy boýunça guruldy.
“Marygazgurluşyk” önümçilik birleşiginiň 7-nji gurluşyk-gurnama müdirliginiň gurluşykçylary baş potratçylyk esasynda AÝGB-ni ýokary hil derejesinde gurdular we desgalary bellenilen möhletlerde ulanyşa berdiler.
Aşgabat-Türkmenabat ýokary tizlikli ýoly boýunça hereket edýän awtoulag serişdelerini bökdençsiz üpjün etmek üçin beketleriň her birinde ýangyç saklamak üçin bäş sany 60 kubluk metal konteýnerler oturdyldy. Beketlerde sürüjiler üçin ähli amatly şertler göz öňünde tutuldy. Beketler dünýä ülňülerine laýyk gelýän ýangyç gaplary we beýleki ýokary tehnologik enjamlar bilen enjamlaşdyryldy.
Taslama kuwwatyna laýyklykda, ýangyç beketleriniň her biri günde 750 awtoulaga hyzmat etmäge niýetlenen. Bu AÝGB-lerde awtoulaglaryny А-95, А-92, А-80, EKO-93 benzinleri bilen, şeýle hem dizel ýangyjy bilen dolduryp bilerler.
Beketlerde operatorlar üçin hem iş üçin oňaýly şertler döredildi.
— Ýurtda ulag-logistika infrastrukturalarynyň döwrebaplaşdyrylmagy Beýij Ýüpek ýoluny täzeçe görnüşde dikeltmekde möhüm rol oýnaýar. Şundan ugur alyp, häzirki wagtda Aşgabat-Türkmenabat ýokary tizlikli ýoly tiz depginde gurulýar. Täze AÝGB-leriň işgärleri ýurdumyzyň sebitlerinden, dostlukly döwletlere ýükleri ugradýan, şeýle hem üstaşyr geçýän awtoulag sürüjilerine ýokary hilli hyzmat etmekde mynasyp goşandyny goşarlar – diýip, Wekilbazar nebit önümleri kärhanasynyň direktory Toýly Durdymuhammedow aýtdy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.