Netijeli işler alnyp barylýar
06:06 28.05.2024 1400
Ýurdumyzyň çäklerinde geçirilýän gidrogeologik barlaglar we tebigatymyza, ekologik ýagdaýa baha bermek üçin dürli ölçeglerde geologik we gidrogeologik barlaglar Ahal, Balkan, Daşoguz we Mary gidrogeologiýa ekspedisiýalary tarapyndan ýerine ýetirilýär. Welaýatlarymyzda bar bolan düzgün-gözegçilik guýularynyň kömegi bilen ýerasty suwlaryň hiline, minerallaşmasyna we ýatyş derejesine gözegçilik etmek arkaly düzgün-balans barlaglary dowamly geçirilýär.
Ýerasty suwlaryna gözleg-barlag we düzgün-gözegçilik işlerinden başga-da, ekspedisiýa tarapyndan welaýat häkimlikleriniň, pudaklaýyn edara-kärhanalaryň buýurmalary esasynda şertnamalaýyn işler ýerine ýetirilýär.
Türkmen geologiýa gözleg ekspedisiýasy gazylyp alynýan peýdaly gaty magdanlaryň ýataklaryny gözlemek we barlamak hem-de ýüze çykarylan, barlanan mineral çig malynyň ýataklaryny gazyp alýan dag-magdan kärhanalaryna senagat taýdan özleşdirmegiň geologiýa işlerini amala aşyrýar, şonuň bilen hem olara bazar şertlerinde geologik-ykdysady taýdan baha bermek işini alyp barýar. Geçirilýän işleriň maksady gazylyp alynýan peýdaly gaty magdanlaryň mineral-çig mal binýadynyň häzirki ýagdaýyny takyklamakdan, ony senagat taýdan özleşdirmegiň we peýdalanmagyň meselelerini öwrenmekden ybaratdyr.
Döwrebap tehnikalaryň kömegi bilen ýokarda agzalan işleri üstünlikli ýerine ýetirmek babatda hormatly Prezidentimiz tarapyndan ähli mümkinçilikler döredilýär. Häzirki wagtda «Türkmengeologiýa» döwlet korporasiýasynyň we Birleşen Arap Emirlikleriniň «MBF Group DWC LLC» kompaniýasy bilen baglaşylan şertnama esasynda täze gelip gowuşýan ulag tehnikalarynda ornaşdyrylan SZMC-300, SZMC-200, DGML-1500, BZCYX-1000 buraw desgalary buraw işleriniň önümçiliginde ornaşdyrylýar.
Gahryman Arkadagymyz hem-de hormatly Prezidentimiz Arkadagly Gahryman Serdarymyz tarapyndan «Türkmengeologiýa» döwlet korporasiýasynyň netijeli işleri geçirmekde maddy-enjamlaýyn üpjünçiligini yzygiderli gowulandyryp, täze, döwrebap tehnikalaryň satyn alnyp berilmegi geologik açyşlaryň artmagyna getirer.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.