Ýangyç-energetika toplumynda hyzmatdaşlyk, maýa goýumlar we syýahatçylyk - Türkmen-katar syýasy geňeşmeleriniň üns merkezinde
10:07 04.06.2024 6809
Doha şäherinde Türkmenistanyň we Katar Döwletiniň Daşary işler ministrlikleriniň arasynda geçirilen syýasy geňeşmelerde maýa goýumlar, syýahatçylyk, nebitgaz we energetika ulgamynda hyzmatdaşlyk ara alnyp maslahatlaşyldy diýip, Türkmenistanyň DIM-inde habar berdiler.
Duşuşykda türkmen wekiliýetine Türkmenistanyň Daşary işler ministriniň orunbasary Ahmet Gurbanow, Kataryň wekiliýetine Kataryň Daşary işler boýunça döwlet ministri Soltan bin Saad Al-Muraihi ýolbaşçylyk etdi.
Geňeşmeleriň dowamynda Türkmenistan bilen Katar Döwletiniň arasyndaky syýasy-diplomatik we medeni-ynsanperwer gatnaşyklaryň häzirki ýagdaýy barada pikir alyşyldy. Taraplar esasan hem maýa goýum, syýahatçylyk, energetika we nebit-gaz pudaklarynda söwda-ykdysady gatnaşyklary bilen baglanyşykly meselelere garadylar.
Söwda we ykdysady hyzmatdaşlyk boýunça bilelikdäki hökümetara türkmen-katar toparynyň ähmiýeti nygtaldy. Taraplar parlamentara hyzmatdaşlygy ösdürmäge hem ünsi çekdiler.
Diplomatlar Türkmenistan bilen Katar Döwletiniň arasynda ikitaraplaýyn esasda netijeli hyzmatdaşlygy berkitmek ugrundaky tagallalary güýçlendirmek barada ylalaşdylar. Şol bir wagtyň özünde, diplomatlar iň ýokary we ýokary derejelerdäki duşuşyklary dowam etdirmegiň möhümdigini bellediler.
Köptaraplaýyn diplomatiýanyň çäklerinde, şol sanda Birleşen Milletler Guramasynda hyzmatdaşlygyň ösüşiniň yzygiderliligi beýan edildi. Hyzmatdaşlygyň şertnama-hukuk binýadyny giňeltmek hem ileri tutulýan ugurlaryň biri hökmünde kesgitlenildi.
Geljegi uly ugurlaryň arasynda medeni-ynsanperwer hyzmatdaşlygy ösdürmek, şol sanda Medeniýet günlerini, bilelikdäki sergileri guramak, şeýle hem bilim we sport ugurlarynda hyzmatdaşlyk etmek görkezildi.
Duşuşygyň dowamynda sebitleýin we halkara gün tertibiniň häzirki zaman meseleleri ara alnyp maslahatlaşyldy diýip, DIM belleýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.