Ylmy-amaly maslahat geçirildi
04:10 12.06.2024 3813
«Türkmengaz» döwlet konserniniň Ylmy-barlag tebigy gaz institutynda (YBTGI) «Nebitgaz pudagyny ösdürmegiň ylmy esaslary» atly maslahat geçirildi. Ýurdumyzda giň gerimde bellenilýän Ylymlar güni mynasybetli ýokarda agzalan edaranyň kärdeşler arkalaşygynyň ilkinji guramasy we zenanlar guramasy tarapyndan geçirilen dabaraly çärä «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň düzümlerinde zähmet çekýän hünärmenler, ylmy işgärler gatnaşdy.
Dabaranyň başynda Ylmy-barlag tebigy gaz institutynyň ýolbaşçylary Garaşsyz ýurdumyzda hormatly Prezidentimiziň tagallasy bilen ylym-bilimiň, sanly ulgamyň ösdürilişi, nebitgaz toplumynyň önümçilikleriniň täze tehnikalar, agregatlar, tehnologiýalar, enjamlar bilen üpjün edilişi, onuň çykarylýan önümiň mukdaryna, hiline ýokary täsiri, edara-kärhanalarda zähmet köpçüligi üçin döredilýän amatly şertler, ylym bilen meşgullanýan alymlara, ýaş hünärmenlere döwlet tarapyndan hemmetaraplaýyn goldaw berlişi barada çykyş etdiler.
Soňra, gün tertibine laýyklykda, ylmy temalar boýunça çykyşlara orun berildi. Ilki YBTGI-niň direktorynyň geologiýa işleri boýunça orunbasary Rahmetnur Aýmämmedow söz nobatyny aldy. Ol Üňüz gazly sebitiniň Bagaja gazly ülkesiniň çäklerinde ýerleşýän Çaryköl, Demirgazyk Çaryköl meýdançalarynyň gurluşlaryny takyk öwrenmekde alnyp barylýan işler, barlaglar, seljermeler barada çykyş etdi.
Soňra YBTGI-niň laboratoriýa müdirleri Myrat Baýramgylyjowyň, Allaşükür Altaýewiň, uly ylmy işgäri Larisa Çuprinanyň, inženeri Dörtguly Garajaýewiň, tehnigi Ogulnur Hojagulyýewanyň gaz we gazkondensat guýularynyň düýbündäki suwuklygy çykarmagyň netijeliligini ýokarlandyrmak, Gyzylgaty meýdançasynda geologik-geofiziki maglumatlary häzirki zaman programma üpjünçiligini ulanmagyň esasynda toplumlaýyn täzeden teswirleýiş işleriniň netijeleri, «Türkmengazburawlaýyş» müdirliginiň gazuw işlerinde ulanylýan buraw dolotolarynyň ulanyş seljermesini geçirmek we ulanyş mümkinçiligi boýunça netijenama bermek, anomal pes gatlak basyş şertlerinde gaz we gazkondensat känlerini basmarlamagyň, özleşdirmegiň usullary, beýik söz ussady Magtymguly Pyragy hakynda çykyşlary diňlenildi. Olar bu ugurlarda netijeli işleriň geçirilýändigini bellemek bilen, öz tekliplerini, pikirlerini, ylmy garaýyşlaryny beýan etdiler.
Maslahatyň dowamynda şanly sene mynasybetli YBTGI-niň göreldeli zähmeti, ylmy başarnygy bilen tapawutlanýan işgärlerine guramaçylar tarapyndan ýadygärlik sowgatlary gowşuryldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.