Türkmenistan BMG-niň Baş sekretarynyň Merkezi Aziýa ýurtlaryna saparynyň maksatnamasyna girýär
11:00 02.07.2024 6764
BMG-niň Baş sekretary Antoniu Guterriş Merkezi Aziýa ýurtlaryna saparyny amala aşyrýar diýip, news.un.org habar berýär. Saparynyň çäklerinde ol Özbegistana, Gyrgyzystana, Gazagystana, Täjigistana we Türkmenistana barar.
Metbugat sekretary Stefan Dýužarrigiň habar bermegine görä, ýurtlaryň her birinde BMG-niň Baş sekretary döwlet Baştutanlary we beýleki ýokary wezipeli adamlar bilen duşuşar, şeýle hem howanyň üýtgemegine garşy göreşmek boýunça taslamalar bilen tanşar. Bu ugurdan ýerli hünärmenler bilen duşuşar. Saparyň ilkinji nokady Daşkent bolar.
4-nji iýulda Astanada Baş sekretar Şanhaý hyzmatdaşlyk guramasynyň sammitine gatnaşar. Guterriş öz çykyşynda foruma gatnaşyjylara BMG-niň Düzgünnamasyna esaslanan köptaraplylyk ýörelgelerine ygrarlylygyny tassyklamaklaryny ýatladar. Ol bu tagallalaryň özeninde parahatçylyga ymtylyşyň bolmalydygyny nygtar. Metbugat sekretarynyň aýtmagyna görä, Baş sekretar şeýle hem geosyýasy dawalaryň umumy wehimlere netijeli garşylyk görkezmäge , şol sanda howanyň üýtgemegine garşy göreşmäge mümkinçilik bermeýändigini duýdurar.
Antoniu Guterriş 7-nji iýulda Nýu-Ýorka dolanar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.