Yslam ösüş banky Türkmenistanda birnäçe taslamalary maliýeleşdirer
13:53 04.07.2024 6421
Yslam ösüş bankynyň Ýerine ýetiriji direktorlar geňeşiniň 356-njy mejlisinde agza ýurtlaryň täze ösüş taslamalaryny maliýeleşdirmek üçin ABŞ-nyň 368,98 mln dollaryny bölüp bermeklik tassyklanyldy. Şolaryň hatarynda Türkiýede, Türkmenistanda we Surinamda taslamalar bar diýip, THP bankyň resmi saýtyna salgylanyp habar berýär.
Bellenilip geçilişi ýaly, bu strategiki taslamalar durnukly ösüşe ýardam etmäge we agza ýurtlaryň ählisinde durmuş-ykdysady ösüşe gönükdirilendir.
Hususan-da, YÖB-niň 156,3 mln dollar maliýeleşdirmegi netijesinde ABŞ Türkmenistanda üç sany onkologiýa merkezini gurar we degişli hünärmenleri taýýarlar. Taslama gündelik stasionar hyzmatlary 33% artdyrar we ýylda 11 750 sany näsagyň bejergisini gowulandyrar, onkologiýa keselleriniň derejesini peselder.
Yslam ösüş banky durnukly ösüşe ýetmekde we strategik taslamalaryň üsti bilen ykdysady ösüşi gazanmakda agza ýurtlaryny goldamagyny dowam etdirer. Bu maýa goýumlar diňe bir gönüden-göni zerurlyklary kanagatlandyrmak bilen çäklenmän, eýsem, uzakmöhletleýin durnuklylyk we ösüş üçin esas bolar diýip, çeşme belläp geçýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.