Merkezi Aziýa ýurtlary “ýaşyl ösüşi” ilerletmek üçin Duşenbe jarnamasyny kabul etdiler
06:11 30.11.2024 3837
Merkezi Aziýa ýurtlarynyň wekilleri 28-nji noýabrda “ýaşyl” ösüş ulgamynda sebitleýin hyzmatdaşlygyň zerurlygyny ykrar etdiler we möhüm ugurlarda, şol sanda, energetikada, sanly söwdada, sanly utgaşmada, söwda amallaryny ýönekeýleşdirmekde, maýa goýumlaryny höweslendirmekde, kiçi we orta telekeçiligi ösdürmekde, suw serişdeleri ulgamynda hyzmatdaşlykda we innowasion ekoulgamlarda hyzmatdaşlygy berkitmäge borçlandylar. Bu barada BMG-niň Ýewropa Ykdysady komissiýasynyň saýtynda habar berilýär.
Duşenbe Jarnamasy BMG-niň Merkezi Aziýa ýurtlarynyň ykdysadyýetleri üçin Ýörite Maksatnamasynyň (SPEKA) 2024-nji ýyldaky Ykdysady forumynyň we Dolandyryjylar geňeşiniň mejlisiniň netijesi boýunça kabul edildi. Bu çärelere BMG-niň Ýewropa Ykdysady Komissiýasynyň (ÝYK) hem-de Aziýa we Ýuwaş ummany boýunça Ykdysady we Durmuş Komissiýasynyň (ESCAP) goldaw bermeginde guraldy.
"BMG-niň Merkezi Aziýa ýurtlarynyň ykdysadyýetleri üçin Ýörite Maksatnamasy ýaşyl maýa goýumlary özüne çekýän we durnukly ösüşi üpjün edýän merkez bolmaga çalyşmalydyr" diýip, ESCAP-yň ýerine ýetiriji sekretary Armida Salsiýa Alisjahbana öz çykyşynda belledi.
Bu ýyl Forum howa üýtgemelerine garşy göreş, tehnologiýalar we innowasiýalar, şeýle-de durnukly ulag hem-de energetika ýaly esasy ugurlara bagyşlandy. Çykyş eden wekiller BMG-niň Merkezi Aziýa ýurtlarynyň ykdysadyýetleri üçin Ýörite Maksatnamasynyň sebitinde howa üýtgemeleriniň ykdysadyýete we ekoulgamlara edýän täsiri, şol sanda buzlaryň eremegi, suw ýetmezçiligi we hapalanmanyň artmagy ýaly meseleler barada pikir alyşdylar.
Azerbaýjan, Gazagystan, Gyrgyzystan, Täjigistan, Türkmenistan we Özbegistan döwletleriniň ýokary derejeli wekilleri BMG-niň Merkezi Aziýa ýurtlarynyň ykdysadyýetleri üçin Ýörite Maksatnamasynyň Köp taraply ynam gaznasy boýunça pikir alyşdylar. Bu gazna sebitiň aýratyn zerurlyklaryna uýgunlaşdyrylan howa, innowasiýa we "ýaşyl" taslamalary durmuşa geçirmek üçin oňyn mümkinçilikleri döredýär.
BMG-niň Merkezi Aziýa ýurtlarynyň ykdysadyýetleri üçin Ýörite Maksatnamasy Merkezi Aziýa ýurtlarynyň ählumumy ykdysadyýete goşulyşmagyny goldamaga, şeýle-de durnukly ösüş maksatlaryna ýetmek ýaly meselelerde serhetara hyzmatdaşlyk üçin platforma üpjün etmäge gönükdirilendir.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.