Türkmenistanyň we Eýranyň diplomatlary energetika hem-de ulag ulgamlarynda hyzmatdaşlygyň geljegini maslahatlaşdylar
06:40 14.12.2024 2956
12-nji dekabrda Türkmenistanyň daşary işler ministri Raşid Meredow Eýranyň daşary işler ministriniň hukuk we halkara işleri boýunça orunbasary Kazem Garib-Abadiniň ýolbaşçylygyndaky wekiliýet bilen geçiren duşuşygynda energetika we ulag ulgamynda hyzmatdaşlygyň geljegi maslahatlaşyldy. Bu barada Türkmenistanyň DIM-nde habar berdiler.
Duşuşygyň barşynda taraplar türkmen-eýran gün tertibiniň möhüm meselelerini ara alyp maslahatlaşdylar. Diplomatlar hyzmatdaşlyk gatnaşyklarynyň hoşniýetli goňşuçylyk we birek-birege hormat goýmak ýörelgeleri esasynda ösdürilýändigini tassykladylar.
Şeýle-de söhbetdeşler söwda-ykdysady, hususan-da, energetika we ulag pudaklaryndaky gatnaşyklaryň ösüşine garadylar. Şunuň bilen baglylykda, Ykdysady hyzmatdaşlyk boýunça türkmen-eýran Hökümetara toparynyň işiniň ähmiýeti nygtaldy.
Mundan başga-da, taraplar halkara we sebit düzümleriniň çäklerindäki gatnaşyklaryň netijelidigini kanagatlanma bilen bellediler.
Birža söwdalarynda ýol bitumy, suwuklandyrylan gaz, polipropilen ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 44-si hasaba alyndy.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.
Nebitgaz toplumynyň kärhanalary Türkmenistanyň Bitaraplyk güni mynasybetli açylan ikinji wirtual sergä gatnaşýar
Penşenbe güni Türkmenistanyň Bitaraplyk güni mynasybetli ýurdumyzyň ykdysady gazananlaryna bagyşlanan wirtual sergi açyldy. Bu dabaraly çäreler Daşary işler ministrligi we Söwda-senagat edarasy tarapyndan guraldy.
«Awazada» geçirilen maslahatda Hazar sebitiniň döwletleriniň dürli ugurlarda özara gatnaşyklary ara alnyp maslahatlaşyldy
12-nji awgustda «Awaza» milli syýahatçylyk zolagynda geçirilen «Hazar deňzi — parahatçylyk we dostluk deňzi” atly ylmy-amaly maslahatda Hazar sebitiniň döwletleriniň mundan beýläkki özara gatnaşyklary bilen bagly meseleler ara alnyp maslahatlaşyldy.
Pakistanyň ministri bilen TOPH taslamasy barada pikir alşyldy
Türkmenistanyň Daşary işler ministri Raşid Meredow Pakistan Yslam Respublikasynyň senagat we önümçilik boýunça federal ministri Rana Tanwir Hussein bilen duşuşdy.