Türkmenistan we Malaýziýa energetika toplumynda hyzmatdaşlygy çuňlaşdyrmagy maksat edinýär
20:47 20.12.2024 304
Türkmenistanyň Prezidenti Serdar Berdimuhamedowyň 18-19-njy dekabrda Malaýziýa resmi saparynyň netijeleri we Malaýziýanyň Premýer-ministri Dato Seri Anwar bin Ibrahim bilen gepleşikleriniň netijeleri boýunça Bilelikdäki Beýannama we resminamalara gol çekildi diýip, TDH habar berýär.
Beýannamada bellenilişi ýaly, umumy garaýyşlaryny beýan etmek bilen, taraplar energetika pudagynda ikitaraplaýyn hyzmatdaşlygy çuňlaşdyrmagyň möhümdigine ünsi çekip, bu ugurda «PETRONAS» kompaniýasynyň köpýyllyk oňyn tejribesini bellediler.
“Taraplar nebitgaz pudagyna örän uly ähmiýet berip, yzygiderli ösüşe, abadançylyga gönükdirilen berk we uzak möhletli hyzmatdaşlygy ýola goýmaga ygrarlydyklaryny nygtadylar. Bu iki ýurduň hem özara bähbitlilik ruhunda täze mümkinçilikleri öwrenmäge eýerýändigini tassyklaýar” diýip, anna güni metbugatda çap edilen resminamada aýdylýar.
“Taraplar Türkmenistan bilen Malaýziýanyň arasynda ykdysady hyzmatdaşlygyň ägirt uly mümkinçiliginiň bardygy bilen ylalaşdylar. Iki ýurduň ähli ykdysady mümkinçiligini durmuşa geçirmek üçin ony deňlik we özara bähbitlilik esasynda ösdürmäge taýýardygyny beýan etdiler. Şunuň bilen baglylykda, taraplar Türkmen-malaý işewürler geňeşini döretmäge taýýardyklaryny makulladylar” diýlip, resminamada bellenilýär.
Bellenilişi ýaly, geljege nazar aýlamak bilen, taraplar ulag, medeniýet, bilim, syýahatçylyk, sport babatda ikitaraplaýyn hyzmatdaşlygy giňeltmegiň möhümdigini bellediler. Bu bolsa Türkmenistan bilen Malaýziýanyň arasyndaky gatnaşyklary pugtalandyrmaga oňyn ýardam berer.
Taraplar Türkmenistanyň Hökümeti bilen Malaýziýanyň Hökümetiniň arasynda syýahatçylyk babatda özara düşünişmek hakynda Ähtnama, Türkmenistanyň Söwda-senagat edarasy bilen Malaýziýanyň Halkara söwda-senagat edarasynyň arasynda özara düşünişmek hakynda Ähtnama, şeýle hem Türkmenistanyň Söwda-senagat edarasy bilen Malaýziýanyň Milli söwda-senagat edarasynyň arasynda özara düşünişmek hakynda Ähtnama gol çekilmegini makulladylar.
Şeýle hem taraplar diplomatik we resmi pasportlaryň eýeleri üçin wiza talaplaryny bölekleýin ýatyrmak hakynda Ylalaşyk (PVAA), howa gatnawlary (ASA) we awiasiýa senagaty hakynda Ylalaşyk boýunça Türkmenistanyň hem-de Malaýziýanyň arasynda, iki ýurduň Halkara gatnaşyklary institutlarynyň arasynda diplomatlary taýýarlamak we ylmy alyş-çalyş barada hyzmatdaşlyk etmek boýunça notalary alyşmagyň şaýady boldular.
«Türkmenistanyň nebiti we gazy» XXVI Halkara maslahaty 27-29-njy oktýabrda geçiriler
Aşgabatda 27-29-njy oktýabr aralygynda Türkmenistanyň Garaşsyzlygynyň 30 ýyllygyna bagyşlanan «Türkmenistanyň nebiti we gazy – 2021» atly XXVI Halkara maslahaty (OGT-2021) geçiriler. Bu barada OGT-niň resmi saýtynda habar berilýär. Bu halkara maslahaty “Türkmengaz” we “Türkmennebit” döwlet konsernleri, “Türkmengeologiýa” döwlet korporasiýasy tarapyndan “Türkmen Forum” hojalyk jemgyýeti we Beýik Britaniýanyň "GaffneyCline" kompaniýasy bilen bilelikde gurnalýar.
Türkmenistan we Singapur birnäçe ugurlar boýunça hyzmatdaşlygy ösdürmek üçin uly mümkinçiliklere eýe — DIM
Türkmenistan we Singapur dürli ugurlar boýunça özara bähbitli gatnaşyklary ösdürmek üçin ägirt uly mümkinçiliklere eýedir. Bu barada Türkmenistanyň Singapur Respublikasyndaky Adatdan daşary we Doly ygtyýarly ilçisi (oturýan ýeri Seul ş.) B.Durdiýewiň Singapur Respublikasynyň Prezidenti Halime Ýakoba ynanç hatlarynyň gowşurylyş dabarasynda geçirilen duşuşykda aýdyldy.
«Gumdagnebit» müdirligi: birinji ýarym ýylda 200 müň tonna «gara altyn» çykaryldy
«Türkmennebit» döwlet konserniniň «Gumdagnebit» nebit we gaz çykarmak boýunça müdirliginiň nebitçileri Uzynada ýatagynyň baý känlerini özleşdirmek boýunç giň gerimli işleri ýerine ýetirýärler. Häzirki wagtda bu ýerde alnyp barylýan işleri ýatagyň çig mal binýadyny netijeli ulanmaklyga, şeýle hem uglewodorod çig malynyň täze çeşmelerini ýüze çykarmaklyga gönükdirilendir.
Türkmenistanyň we Hindistanyň Prezidentleriniň duşuşygy özara bähbitli hyzmatdaşlygy mundan beýläk hem ösdürmäge itergi berer
1-nji aprelden Türkmenistana döwlet sapary bilen Hindistan Respublikasynyň Prezidenti Ram Nath Kowind geldi. 2-nji aprelde “Oguz han” köşkler toplumynda ýokary derejedäki türkmen-hindi gepleşikleri geçirildi. Soňra gepleşikler giňişleýin düzümde — iki döwletiň resmi wekiliýetleriniň agzalarynyň gatnaşmagynda dowam etdi.
Türkmenistan Abu-Dabide ADIPEC nebitgaz forumyna gatnaşýar
Türkmenistanyň wekiliýeti 31-nji oktýabrda Abu-Dabide (BAE) açylan ADIPEC nebitgaz sergisine we maslahatyna gatnaşýar.