“Lebapnebitgazgözleg” ekspedisiýasy ýurdumyzyň uglewodorod gorlarynyň artmagyna mynasyp goşant goşýar
05:37 04.01.2025 4778
Türkmenistanda gymmatly uglewodorod serişdelerini özleşdirmek bilen birlikde, olaryň ätiýaçlyk gorlaryny doldurmak boýunça hem işler alnyp barylýar. “Türkmengeologiýa” döwlet korporasiýasynyň “Lebapnebitgazgözleg” ekspedisiýasynyň hünärmenleri bu işe mynasyp goşant goşýarlar.
Ýerasty baýlyklary gözleýän hünärmenleriň işi örän giň gerimlidir. Olar ýurdumyzyň günbatar sebitinde ylmy-barlag işlerini üstünlikli alyp barýarlar. Magtym Mahmudowyň ýolbaşçylyk edýän burawçylar topary ýerasty baýlyklary gözläp, ýurdumyzyň tebigy serişdelerini artdyrmaga uly goşant goşýarlar.
Ýakynda Goturdepe ýatagynda ýerleşýän №1907 gözleg buraw guýusynyň 3975 metr çuňlukda buraw işleri üstünlikli tamamlandy. Häzirki wagtda işler tamamlaýjy tapgyra girdi. Hünärmenler bu guýudan hem çig nebitiň senagat akymyny almaga umyt baglaýarlar.
Bu toparyň agzalary Balkan sebitinde köp ýyllaryň dowamynda netijeli iş alyp barýarlar. Buraw ussasynyň aýtmagyna görä, olar mundan öň Ekerem we Çeleken meýdançalarynda işläp, ýurdumyzyň çig mal goruny artdyrmaga ýardam edipdirler. Burawçylar Goturdepedäki işleriň hem üstünlikli boljakdygyna berk ynanýarlar. Munuň üçin öňki geologiki barlaglaryň we hasaplamalaryň netijeleri anyk subutnama bolup durýar.
Ekspedisiýa daşary ýurtlardan satyn alnan döwrebap buraw enjamlary we beýleki zerur serişdeler bilen yzygiderli üpjün edilýär. Hytaýdan getirilen ýokary öndürijilikli buraw enjamlary işiň hilini we netijeliligini üpjün edýär. Şeýle hem, uzak aralykdaky sebitlerde işleýän işgärleriň yzygiderli dynç almagy üçin amatly şertleriň döredilmegine aýratyn üns berilýär.
Ýakyn wagtda topar Goturdepe ýatagynda ýerleşýän №1908 guýusynyň buraw işlerine başlar. «Lebapnebitgazgözleg» işgärleri özleriniň tutanýerli zähmetiniň Türkmenistanyň ykdysady ösüşine mynasyp goşant boljakdygyna ynanýarlar.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.