Gyrgyzystanyň Prezidenti we Türkmenistanyň DIM-niň ýolbaşçysy döwletara hyzmatdaşlygynyň ileri tutulýan ugurlaryny maslahatlaşdy
15:49 27.02.2025 2682
26-njy fewralda Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Gyrgyz Respublikasynyň Prezidenti Sadyr Žaparow tarapyndan kabul edildi.
Duşuşygyň dowamynda taraplar iki ýurduň arasyndaky syýasy, söwda-ykdysady we medeni-ynsanperwer ugurlardaky gatnaşyklaryň ýokary depginli ösüşini tassykladylar diýip, Türkmenistanyň DIM-niň habarynda aýdylýar.
Konstruktiw ikitaraplaýyn hyzmatdaşlyk bilen bir hatarda köptaraplaýyn formatda, ilkinji nobatda, BMG-niň çägindäki hyzmatdaşlygyň netijeliligi aýratyn nygtaldy. Şunuň bilen baglylykda, söhbetdeşler iki ýurduň gatnaşmagynda öňde duran çäreleri, hususan-da şu ýylyň 12-nji dekabrynda Aşgabatda geçiriljek ýokary derejeli halkara forumy ara alyp maslahatlaşdylar.
Türkmenistanyň Daşary işler ministri türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň adyndan Gyrgyzystanyň Prezidenti Sadyr Žaparowa ýollanan agzalan foruma çakylygy gowşurdy.
Gyrgyzystanyň Baştutany gyrgyz tarapynyň ýokary wekilçilikli derejede Türkmenistanyň başlangyjy bilen geçiriljek çärelere gatnaşmaga meýliniň bardygyny beýan etdi.
“Taraplar ikitaraplaýyn hyzmatdaşlygyň ileri tutulýan ugurlaryny, şol sanda söwda-ykdysady we medeni-ynsanperwer gatnaşyklary, şeýle hem energetika we ulag logistikasy ulgamlarynda hyzmatdaşlyk meselelerini maslahatlaşdylar” diýlip, Gyrgyz Respublikasynyň Prezidentiniň metbugat gullugy habar berýär.
Bellenilişi ýaly, döwlet Baştutany Gyrgyzystanyň ikitaraplaýyn hyzmatdaşlygy mundan beýläk hem berkidilmegine ygrarlylygyny beýan edip, Türkmenistandan Gyrgyzystana energiýa geçirijileriniň iberilmegi meseleleri babatda çözgüdi üçin minnetdarlyk bildirdi.
Birža söwdalarynda ýol bitumy, suwuklandyrylan gaz, polipropilen ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 44-si hasaba alyndy.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.
Nebitgaz toplumynyň kärhanalary Türkmenistanyň Bitaraplyk güni mynasybetli açylan ikinji wirtual sergä gatnaşýar
Penşenbe güni Türkmenistanyň Bitaraplyk güni mynasybetli ýurdumyzyň ykdysady gazananlaryna bagyşlanan wirtual sergi açyldy. Bu dabaraly çäreler Daşary işler ministrligi we Söwda-senagat edarasy tarapyndan guraldy.
«Awazada» geçirilen maslahatda Hazar sebitiniň döwletleriniň dürli ugurlarda özara gatnaşyklary ara alnyp maslahatlaşyldy
12-nji awgustda «Awaza» milli syýahatçylyk zolagynda geçirilen «Hazar deňzi — parahatçylyk we dostluk deňzi” atly ylmy-amaly maslahatda Hazar sebitiniň döwletleriniň mundan beýläkki özara gatnaşyklary bilen bagly meseleler ara alnyp maslahatlaşyldy.
Pakistanyň ministri bilen TOPH taslamasy barada pikir alşyldy
Türkmenistanyň Daşary işler ministri Raşid Meredow Pakistan Yslam Respublikasynyň senagat we önümçilik boýunça federal ministri Rana Tanwir Hussein bilen duşuşdy.