TEIF 2025-iň geçirilmegi halkara habar beriş serişdelerinde giň seslenme alar
08:28 06.03.2025 3151
2025-nji ýylyň 23–24-nji aprelinde Malaýziýanyň Kuala-Lumpur şäherinde Türkmenistanyň ykdysadyýetine daşary ýurt maýa goýumlaryny çekmek boýunça geçiriljek halkara forum (TEIF 2025) strategiki media giňişligiň üsti bilen Türkmenistanyň ykdysady mümkinçilikleriniň dünýä derejesinde artdyrylmagyna giň ýol açar.
Forumyň guramaçylarynyň habar bermegine görä, NewsBase, Argus, The Edge, Interfax, Natural Gas World, TRT, Bernama ýaly öňdebaryjy halkara we ýerli metbugat serişdeleri bilen hyzmatdaşlyk guramaçylyk çäresiniň giň we köpugurly beýan edilmegini üpjün eder. Şeýle-de bu hyzmatdaşlyk dünýäniň dürli künjeklerinden gelýän giň okyjylar toparyna möhüm maglumatlary ýetirmäge ýardam berer.
Ösüp barýan täze meýdançalary çuňňur seljermegi bilen tanalýan The Investor Beyond neşiri forumyň esasy hyzmatdaşlarynyň biridir. TEIF 2025-niň çäginde bu neşiriň redaksiýa müdiri Leandro Slowinski 4-nji sessiýanyň esasy panel duşuşygyna moderatorlyk edip, Türkmenistanyň ykdysady ösüşi boýunça aýratyn garaýyşlaryny paýlaşar.
Bu strategik media hyzmatdaşlygy TEIF 2025 forumynyň esasy maksatlarynyň giň halkara jemgyýetçiliginde – maýadarlar, syýasatçylar, pudak ýolbaşçylary hem-de seljerijileriň arasynda giňden ýaýramagyna hyzmat eder.
Kuwwatly media meýdançalarynyň mümkinçiliklerini peýdalanmak arkaly TEIF 2025 Türkmenistany dünýä ykdysadyýetinde möhüm gatnaşyjy hökmünde has-da öňe sürmegi, gatnaşyjylara bazar maglumatlaryna we maýa goýum mümkinçiliklerine giň ýol açmagy maksat edinýär.
TEIF 2025 forumynyň esasy guramaçylary Türkmenistanyň "Türkmengaz" we "Türkmennebit" döwlet konsernleri, Türkmenistanyň Söwda-senagat edarasy hem-de "Turkmen Energy Forum" hojalyk jemgyýetidir.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.