Türkmenistanyň DIM-i Halkara parahatçylyk we ynanyşmak ýyly we Bitaraplygyň 30 ýyllygyna bagyşlanan saýty işe girizdi
06:05 18.03.2025 3704
2025-nji ýylyň Halkara parahatçylyk we ynanyşmak ýyly diýip yglan edilmegi we Türkmenistanyň hemişelik Bitaraplygynyň 30 ýyllygy mynasybetli ýurduň Daşary işler ministrligi ýörite web sahypasyny işe girizdi.
Täze maglumat çeşmesi (https://neutrality.gov.tm/) Halkara parahatçylyk we ynanyşmak ýylynyň çäginde 2025-nji ýylda Türkmenistanda meýilleşdirilen möhüm wakalary, çäreleri we başlangyçlary, şeýle hem ýurduň hemişelik Bitaraplyk derejesine eýe bolmagynyň 30 ýyllyk baýramyny şöhlelendirmek üçin niýetlenendir.
Sahypada forumlar, maslahatlar, medeni çäreler we parahatçylygy, ynanyşmagy we halkara hyzmatdaşlygy berkitmäge, şeýle hem Türkmenistanyň Bitaraplyk ýörelgelerini dünýä giňişliginde wagyz etmäge gönükdirilen giňişleýin maglumatlar ýerleşdiriler diýlip garaşylýar.
Bu web sahypasynyň işe girizilmegi, 2025-nji ýyldaky möhüm wakalara maglumat goldawyny bermekde möhüm ädim bolup, Türkmenistanyň işjeň halkara dialoglara we parahatçylyk başlangyçlaryny öňe sürmäge ygrarlydygyny görkezýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.