Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
09:35 25.04.2025 4729
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
“Gazyň çykarylyşynyň artmagy bilen Türkmenistan Hytaý, Merkezi Aziýa we Ýakyn Gündogar ýaly sebitleriň esasy bazarlary bilen hyzmatdaşlygyny giňeldýär. Geljekde bolsa, Ýewropa hem gaz eksport edilmegi ähtimal — diýip, Muhammet Hamel nygtady.
GECF-niň Baş sekretary şeýle hem dünýäde tebigy gaza islegiň ep-esli ýokarlanmagyna Hytaý bilen Hindistanyň uly goşant goşjakdygyny aýtdy. Onuň maglumatyna görä, bu iki ýurt dünýäde tebigy gaza islegiň artmagynyň üçden birinden gowragyna jogapkär bolar.
2050-nji ýyla çenli Hytaýyň tebigy gaza bolan islegi ýylda 660 milliard kub metrden geçer we ABŞ-dan soň dünýäde ikinji uly sarp ediji bolar. Hindistanda bolsa tebigy gazyň milli energiýa deňagramlylygyndaky paýy artar we onuň gaz islegi iki esse ýokarlanyp, 230 milliard kub metre barabar bolar — diýip, ol belledi.
TEIF 2025 forumy 23-24-nji aprel aralygynda Malaýziýanyň paýtagtynda geçirildi. Oňa 42 döwletiň wekiliýetlerinden jemi 470 wekil gatnaşdy. Forum Türkmenistanyň “Türkmengaz” we “Türkmennebit” döwlet konsernleriniň, şeýle hem Söwda-senagat edarasynyň “Türkmen Energiýa Forumy” kompaniýasy bilen hyzmatdaşlykda gurnamagynda geçirildi.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.