Gaz geçirijiler uzalýar
04:15 20.05.2025 17785
Ýurdumyzyň sebitleriniň, şol sanda Mary welaýatynyň etrap-şäherlerindäki gaz hojalyk edaralarynyň işgärleriniň çekýän ýadawsyz zähmeti arkaly bagtyýar ýaşaýjylaryň öýleri «mawy ýangyç» bilen ýylyň bütin dowamynda bökdençsiz üpjün edilýär. «Marygazüpjünçilik» müdirliginiň «Sakarçägeetrapgaz» gaz hojalyk edarasynyň işgärleriniň işleri hem şunuň aýdyň mysalydyr.
Soňky iki-üç ýylyň içinde etrabyň obalarynda täze ilatly ýerler emele geldi. Şoňa görä, 2024-nji ýyl üçin bellenilen meýilnama laýyklykda, Milli maksatnama esasynda umumy uzynlygy dokuz müň metr bolan dürli göwrümli gaz geçirijiler guruldy. Şeýlelikde, etrabyň Agzybir, Akýap, Daýhan, Gyzylgum, Merdana, Çerkezköl, Görelde, Çaşgyn geňeşliklerindäki täze ilatly ýerler doly gazlaşdyryldy.
«Şu ýyl biziň öňümizde etrapda on müň iki ýüz metr uzynlykdaky dürli basyşly gaz geçirijilerini gurmak wezipesi durýar. Häzir biz bu işleri ýokary depginde alyp barýarys. Biz «Halkara parahatçylyk we ynanyşmak ýyly» diýlip atlandyrylan şu ýylda etrabymyzyň Garaýap geňeşliginiň çäginde uzynlygy bir müň üç ýüz on metr, Söýünsary geňeşliginde bolsa uzynlygy bäş ýüz metr bolan orta basyşly gaz geçirijileri gurup ulanmaga bereris.
Etrabymyzda ýigrimi bäş müňe golaý hojalyk bar. Olary tebigy gaz bilen ýylyň bütin dowamynda bökdençsiz üpjün etmekde kärhanamyzyň hünärmenleridir işçileriniň her biriniň mynasyp paýy bar. Bu işlere kärhanamyzyň heläkçiligi dikeldiş we abatlaýyş gullugynyň ussasy Batyr Bekdurdyýew, şol gullugyň gaz bilen kebşirleýjisi Babajan Nurlyýew, daşary gaz geçirijiler gullugynyň slesarlary Ýagşy Garýagdyýew, Merdan Abdyýew, Allak Gurbangeldiýew, tehniki howpsuzlyk we zähmeti goramak boýunça birinji derejeli inžener Muhammet Gurbandurdyýew dagy has-da saldamly goşant goşýarlar» diýip, «Sakarçägeetrapgaz» gaz hojalyk edarasynyň başlygy Arslan Akweliýew gürrüň berýär.
Kärhananyň işgärleri etrabyň çägindäki umumy uzynlygy bir müň bir ýüz segsen iki kilometr bolan dürli basyşly gaz geçirijilere hyzmat edýärler. Olar häzir etrabyň çägindäki gaz paýlaýjy desgalary, gaz sazlaýjy enjamlary, gaz geçirijilerini güýz-gyş möwsümine taýýarlamak işlerine-de guramaçylykly girişdiler. Gazçylar gaz desgalaryna, gaz enjamlaryna tehniki taýdan hyzmat etmek, reňklemek işlerini ýerine ýetirýärler, gaz geçirijileriň degişli ýerlerinde bejergi işlerini geçirýärler.
Sapardurdy ÝAÝLYÝEW
Ýazgül Ezizowa «Nebit-gaz» gazetiniň redaksiýasynda myhmançylykda
Nämüçindir her ýyl güýz paslynda, bary-ýogy 35 ýaşap, halkyň hakydasynda hemişelik orun tutan şygyrlary döreden türkmeniň paýhasly şahyr ogly Gurbannazar Ezizowdan söz açasyň gelip dur. Güýz säheri penjiräňi açanyňda şahyryň şygyrlarynda mekan tutan «ýaşyl şemal, näzik şemal» ýaňagyňy sypap geçýän ýaly.
Täze meýdançalarda işler ýaýbaňlandyrylýar
«Türkmengeologiýa» döwlet korporasiýasynyň Mary gidrogeologiýa ekspedisiýasynyň gidrogeologlary häzirki wagtda Mary welaýatynyň çägindäki Tärimli, Zähmet, Garabil, Şyhmansur, Seýrap, Çeşme, Şatlyk, Mekan meýdançalarynda, Lebap welaýatynyň çägindäki Tümenli, Daşrabat, Mukry, Jynlygum meýdançalarynda buraw işlerini alyp barýarlar. Ýerine ýetirilýän işleriň netijesinde meýdançalarda ýerasty suwlaryň, şeýle hem mineral bejeriş suwlarynyň gözlegi, barlagy, goruny hasaplamak işleri hemmetaraplaýyn alnyp barylýar.
Çeleken — hazynalar mesgeni
Ylmyň we öňdebaryjy tejribeleriň iň soňky gazananlaryny önümçilige içgin ornaşdyrmak milli ykdysadyýetimiziň ýangyç-energetika toplumynda hem öz mynasyp çözgüdini tapýar. Geçen ýylyň başynda «Türkmennebit» döwlet konserniniň «Nebitgazçykaryş» trestiniň «Galkynyşnebit» nebitgaz çykaryş müdirliginiň garamagyndaky Gündogar Çeleken meýdançasynda gazylan 707-nji belgili baha beriji guýudan bol nebit akymynyň alynmagy hem munuň aýdyň mysalydyr.
Egsilmez gujur-gaýrat bilen
Şu ýylyň «Arkadag Serdarly bagtyýar ýaşlar ýyly» diýlip atlandyrylmagy önümçilik kärhanalarynyň işgärleriniň arasynda ýokary ruhubelentlik ýagdaýyny döretdi. Bu ýyly zähmet üstünliklerine beslemek, ýurdumyzyň bedew batly ösüşlerine mynasyp goşant goşmak ugrundaky hereket giň gerim alýar. Şeýle kärhanalaryň hatarynda «Türkmengaz» döwlet konserniniň «Lebapgazçykaryş» müdirliginiň başarjaň we zähmetsöýer işgärleri hem bar. Olar täze ýylyň ilkinji günlerinden yhlasly zähmet çekip, «mawy ýangyjyň» öndürilýän möçberlerini yzygiderli artdyrýarlar.
II. Türkmenistanyň gaz senagaty: geçmişden şu güne
Türkmençilikde aýdylyşy ýaly, Ojak gaz käniniň höwri köp boldy. Amyderýanyň hekdaş gatlaklaryny düýe boýnuny döredip kesip geçýän ýerinde, Şyharyk obasynyň ýanynda 1966-njy ýylda türkmen gazçylarynyň merkezi Gazojak şäheriniň düýbi tutuldy.