Seminar geçirildi
04:20 10.06.2025 2345
Geçen hepdede «Türkmengaz» döwlet konserniniň Ylmy-barlag tebigy gaz institutynda energiýa pudagynda metanyň zyňyndylaryny azaltmak boýunça düzgünnama laýyklykda, Ýewropa Bileleşiginiň energiýa çeşmelerini import etmek baradaky täze talaplary dogrusynda gibrid görnüşinde seminar geçirildi. Bu çäre Ýewropa Bileleşigi we Germaniýanyň Federal daşary işler edarasy tarapyndan maliýeleşdirilýän we GIZ tarapyndan durmuşa geçirilýän «Türkmenistanyň ýaşyl ösüşi üçin: Ýewropa Bileleşigi (ÝB) 2024 — 2028-nji ýyllar üçin syýasy dialog we howanyň üýtgemegi boýunça hereketler» taslamasynyň çäginde guraldy.
Seminar Ýewropa Bileleşigi bilen Türkmenistanyň arasynda howanyň üýtgemeginiň täsirlerini azaltmaga we daşky gurşawy goramaga gönükdirilen klimat syýasaty babatynda tejribe alyşmak üçin möhüm platforma öwrüldi.
Çäräniň dowamynda energiýa pudagynda we global üpjünçilik zynjyrlarynda metanyň zyňyndylaryny azaltmagy göz öňünde tutýan täze ÝB-niň Metan düzgünnamasy bilen tanyşdyryldy. Bu resminama gözegçilik, hasabat bermek, barlamak (werifikasiýa) we zyňyndylary azaltmak üçin anyk talaplary kesgitleýär.
BMG-niň Daşky gurşaw boýunça maksatnamasynyň nebitgaz pudagynda aýdyňlygy ýokarlandyrmaga we metanyň zyňyndylaryny azaltmaga gönükdirilen öňdebaryjy maksatnamasy bolan OGMP 2.0 başlangyjyna hem aýratyn üns berildi. OGMP 2.0 global maglumatlar binýadyny döredýän we bu ugurdaky ösüşe gözegçilik edýän Halkara Metan zyňyndylary synlaýyş merkezi (IMEO) üçin esasy maglumat çeşmesi bolup hyzmat edýär.
Çäräniň dowamynda IMEO-MARS platformasy — «Metanyň zyňyndylary barada duýduryş, jogap ulgamy» we dünýädäki esasy metanyň syzyşlaryny ýüze çykarmaga ukyply GHGSat infragyzyl tehnologiýalaryny öz içine alýan häzirki zaman emeli hemra esasly gözegçilik tehnologiýalary barada hem giňişleýin maglumat berildi. Mälim bolşy ýaly, bu gurallar ÝB-niň täze kadalaşdyryjy-hukuk binýadynyň berjaý edilmegini üpjün etmek, energiýa pudagynda daşky gurşaw jogapkärçiligini ýokarlandyrmak üçin möhüm gurallar hökmünde ykrar edildi.
Bu çäre ÝB-niň öňdebaryjy tejribäni paýlaşmak, durnukly ösüş üçin halkara hyzmatdaşlygyny ösdürmek, zyňyndylaryň azalmagyny öňe sürmek meselesine ygrarlydygyny görkezdi.
Ýewropa Komissiýasynyň Energetika baş müdirliginiň (DG ENER) wekiliniň nygtaýşy ýaly, täze Metan düzgünnamasynyň kabul edilmegi bilen, parnik gazlarynyň zyňyndylaryny azaltmak, howanyň üýtgemegine garşy göreşmek boýunça dünýä derejesinde möhüm ädimiň ädilýändigini bellemelidir. Bu resminama diňe bir durnukly tejribäni öňe sürmek bilen çäklenmän, geljekde halkara energiýa bazaryndaky ornuny hem güýçlendirýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.