Türkmenistanyň we Owganystanyň diplomatlary Moskwada strategik hyzmatdaşlygy maslahatlaşdylar
10:42 24.07.2025 1900
24-nji iýulda Türkmenistanyň Russiýadaky ilçisi Esen Aýdogdyýew Moskwada Owganystanyň ilçisi Mawlawi Gul Hassan Hassan bilen duşuşdy diýip, Türkmenistanyň Habarlar portaly ýazýar.
Duşuşykda dürli ugurlar boýunça ikitaraplaýyn hyzmatdaşlygy giňeltmegiň meseleleri ara alnyp maslahatlaşyldy. Diplomatlar iki döwletiň taryhy taýdan berk gatnaşyklaryny nygtap, hyzmatdaşlygy pugtalandyrmaga gyzyklanma bildirdiler. Dürli ugurlarda hyzmatdaşlygy giňeltmek boýunça anyk ädimlere aýratyn üns berildi.
Bu duşuşyk Russiýanyň ilkinji bolup Owganystanda «Taliban» hereketiniň häkimiýetini resmi taýdan ykrar etmeginiň çäginde aýratyn ähmiýete eýe bolýar. Häzirki wagtda Aziýanyň köp ýurtlary tarapyndan Owganystan bilen diplomatik gatnaşyklarynyň işjeňleşýändigine gözegçilik edilýär.
Türkmenistan uzak wagtdan bäri Owganystan boýunça işjeň pozisiýany eýeleýär we ony giň gerimli sebitleýin infrastruktura taslamalaryna yzygiderli çekýär. Şolaryň arasynda: TOPH gaz geçirijisiniň, TOP elektrik geçiriji we optiki süýümli aragatnaşyk ulgamynyň gurluşygy bar. Bu taslamalar Owganystanyň energetika we sanly infrastrukturasyny ösdürmäge, şeýle hem täze söwda-ulag mümkinçiliklerini açýan demir ýol ugurlaryna gönükdirilendir.
Bu taslamalar diňe bir ykdysady taýdan peýdaly bolman, iş orunlaryny döretmäge, ykdysadyýeti ösdürmäge we sebitleýin gatnaşyklary pugtalandyrmaga hem ýardam edýär.
Moskwadaky duşuşyk Türkmenistanyň Owganystanda parahatçylygy, durnuklylygy we ösüşi goldamakda netijeli we özara bähbitli hyzmatdaşlygy dowam etdirýändiginiň tassyklamasy boldy.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.