Awazada 3-4-nji noýabrda CIET 2025 halkara maslahaty we sergisi geçiriler
11:58 14.10.2025 4149
2025-nji ýylyň 3-4-nji noýabrynda Hazar deňziniň kenarynda “Awaza” milli syýahatçylyk zolagynda «Türkmenistanyň gurluşyk, senagat, himiýa, energetika pudaklarynyň ösüşi» atly halkara sergi we maslahat geçiriler diýipl TDH habar berýär.
Bu möhüm ähmiýetli çäre 40 ýurtdan 500-den gowrak wekili — ýokary derejeli ministrleri, halkara gurluşyk we himiýa kompaniýalarynyň ýolbaşçylaryny, maliýe institutlarynyň hem-de innowasion başlangyçlaryň wekillerini bir ýere jemlär.
Maslahatyň dowamynda gurluşyk, energetika we senagat pudaklarynyň durnukly ösüşe, döwrebaplaşdyrmaga we halkara hyzmatdaşlygyna goşandy ara alnyp maslahatlaşylar.
Ýokary derejeli umumy mejlis infrastruktura we energetika taslamalarynyň hyzmatdaşlygy pugtalandyrmakdaky, häzirki zaman çözgütleriniň milli ösüşe ornaşdyrylyşyndaky we bu ugurlaryň BMG-niň Durnukly ösüş maksatlaryna ýetmäge goşýan goşandy baradaky meselelere bagyşlanar.
Bilermenler adaty energiýa çeşmelerini monetizasiýa etmek, gazhimiýa toplumlaryny döwrebaplaşdyrmak, gaýtadan dikeldilýän energiýa çeşmelerini ösdürmek we arassa hem-de ygtybarly energiýa bilen üpjün etmek üçin täze elektrik stansiýalaryny gurmak boýunça strategiýalary ara alyp maslahatlaşarlar.
Forumyň çäklerinde BIM tehnologiýalary, robotlaşdyrma, emeli aň ýaly sanlylaşdyrma meseleleri hem-de gurluşyk we senagat ulgamynda işgärleriň hünär derejesini ýokarlandyrmak boýunça meseleler seljeriler.
Maslahata gatnaşyjylar Gün we ýel energiýasynyň integrasiýasy, kiçi modul reaktorlary, energetika ulgamlarynyň döwrebaplaşdyrylyşy hem-de şäherleriň we senagatyň durnukly ösüşi üçin dekarbonizasiýa strategiýalary barada pikir alşarlar.
Şeýle hem tegelek stolda klimat ugruna gönükdirilen maýa goýumlar, ESG çarçuwalary, döwlet-hususy hyzmatdaşlygynyň maliýeleşdirişdäki orny we klimat taýdan durnukly infrastruktura ösdürmek üçin esas bolup hyzmat edýän modeller barada pikir alyşmalar geçiriler.
Maslahat bilen ugurdaş geçiriljek sergide gurluşyk, energetika, nebithimiýa we himiýa senagatlaryndaky iň täze üstünlikler görkeziler. Olaryň hatarynda öňdebaryjy gurluşyk materiallary, häzirki zaman energetika çözgütleri we sanly tehnologiýalar bar.
Dünýä derejesindäki giň gerimli maslahatlar bilen utgaşdyrylýan halkara sergi bolan CIET 2025, täze hyzmatdaşlyklary döretmek, maýa goýumlary çekmek, dünýäniň iň oňat tejribelerini we innowasiýalary öwrenmek, şeýle hem Türkmenistanyň gazananlaryny halkara jemgyýetçiligine ýetirmek üçin täsirli mümkinçilikdir.
Türkmenistan gurluşyk we energetika pudaklarynda uly maýa goýum mümkinçiliklerini hödürleýär. Akylly şäher Arkadag ýaly şähergurluşyk taslamalary, giň gerimli infrastruktura döwrebaplaşdyrylyşy we ekologiýa taýdan arassa gurluşyk çözgütleriniň ornaşdyrylyşy halkara hyzmatdaşlygy üçin täze mümkinçilikleri açýar.
Uglewodorod gorlarynyň baýlygy, gazhimiýa senagatynyň giňeldilmegi hem-de gaýtadan dikeldilýän energiýa ugurlaryndaky täze taslamalar durnukly ösüşe we sebitleýin baglanyşygy pugtalandyrmaga ýardam edýän başlangyçlary durmuşa geçirmekde maýa goýujylar üçin mümkinçilik döredýär.
CIET 2025 maslahatyna gatnaşmak üçin bellige alyş açyk.
Giňişleýin maglumat we bellige alyş üçin resmi saýta girip bilersiňiz:
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.