Gahryman Arkadagymyz Arkadagyň ak ýoly bilen Serhetabat — Hyrat gaz geçirijisiniň nobatdaky tapgyryna ak pata berdi
12:50 21.10.2025 3332
Türkmen halkynyň Milli Lideri Gurbanguly Berdimuhamedow Owganystanda TOPH gaz geçirijisiniň gurluşygynyň täze tapgyryna — Arkadagyň ak ýoly bilen Serhetabat — Hyrat gaz geçirijisiniň Hyrat welaýatyna barýan böleginiň turbalarynyň kebşirleýiş işleriniň başlanmagyna simwoliki badalga berdi. Bu barada TDH habar berýär.
Çäre Serhetabat–Hyrat gaz geçirijisiniň 153 kilometrlik böleginiň gurluşyk meýdançasynda geçirildi. Bu aralyk «Arkadagyň Ak ýoly» ady bilen atlandyryldy.
Gahryman Arkadagymyz çykyşynda bu taslamanyň tutuş sebite uly ykdysady peýdalar getirjekdigini nygtady.
Onuň bellemegine görä, taslama doly durmuşa geçirilenden soň, Her ýyl Owganystana ortaça 1 milliard amerikan dollaryndan gowrak serişdeler gelip gowşar. Mundan başga-da, ýerli ilat üçin müňlerçe iş orunlary dörediler. Şeýle hem gurluşykda 200-den gowrak döwrebap we kuwwatly tehnika ulanylýandygy bellenildi.
Owganystanyň Hökümetiniň başlygynyň ykdysady meseleler boýunça orunbasary Abdul Gani Baradar dabarada çykyş edip, TOPH taslamasyny «hyzmatdaşlygyň nyşany we ynamy berkitmegiň köprüsi» hökmünde häsiýetlendirdi. Ol Türkmenistanyň goldawyny aýratyn belläp, bu taslamanyň Owganystanyň energetika howpsuzlygy we durnuklylygy üçin örän möhüm ähmiýete eýedigini nygtady.
Owganystanyň çäginde geçirilen kebşirleme işleriniň başlanmagy Türkmenistan – Owganystan – Pakistan – Hindistan (TOPH) gaz geçirijisiniň gurluşygynda taryhy we möhüm täze ädim boldy.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.