Aşgabatda «OGT 2025» 30-njy halkara maslahaty we sergisi işine başlaýar
18:06 22.10.2025 3820
22–24-nji oktýabr aralygynda Türkmenistanyň Söwda-senagat edarasynda sebitiň energetika pudagyndaky iň iri we möhüm çäreleriň biri bolan «Türkmenistanyň nebiti we gazy – OGT 2025» atly 30-njy halkara maslahat we sergi geçiriler.
Forumyň guramaçylary hökmünde «Türkmengaz», «Türkmennebit» döwlet konsernleri hem-de «Türkmengeologiýa» döwlet korporasiýasy çykyş edýärler. Çärä Turkmen Energy Forum guramasy goldaw berýär.
Şu ýylky maslahatyň şygary:
«Halkara parahatçylyk we ynanyşmak ýylynda dünýä energetikasynyň geljegini emele getirýäris — innowasiýalar, energiýa geçişi we strategik hyzmatdaşlyk».
Maslahat milli we halkara nebitgaz kompaniýalarynyň ýolbaşçylaryny, döwlet edaralarynyň wekillerini, halkara guramalaryny hem-de öňdebaryjy hünärmenleri birleşdirip, dünýä energetikasynyň esasy meseleleri we ösüş mümkinçilikleri boýunça pikir alyşmaga mümkinçilik berer.
Maslahatyň umumy mejlisine ýokary derejeli hökümet wekilleri we dünýä energetikasynyň öňdebaryjy ýolbaşçylary gatnaşar.
Olaryň arasynda Said Mohammed Al Taýer (ENOC & Dragon Oil), Juraýbek Mirzamahmudow (Özbegistanyň energetika ministri), Orhan Zeýnalow (Azerbaýjanyň energetika ministriniň orunbasary), Rowşen Nadžaf (SOCAR kompaniýasynyň prezidenti), şeýle-de beýleki halkara bilermenler we iri energetika kompaniýalarynyň ýolbaşçylary bar.
Maslahatyň tematikasy: energiýa geçişi we innowasion tehnologiýalar, halkara hyzmatdaşlygy, gazy gaýtadan işlemegiň we gazhimiýa pudagynyň ösüşi, durnukly ösüş maksatlaryna ýetmek, metan zyňyndylaryny azaltmak.
22–24-nji oktýabr aralygynda Türkmenistanyň iň iri energetika sergisi — OGT EXPO 2025 geçiriler. Sergide 70 ýurtdan 100-den gowrak kompaniýa täze tehnologiýalaryny we enjamlaryny hödürlär.
Sergi ähli isleg bildirýänler üçin açykdyr.
Söwda-senagat edarasynda geçirilýän sergä awtobuslaryň № 35, 54, 56, 57, 58, 103 we 121 ugurlary boýunça baryp bolýar. Guramaçylar we gatnaşyjy kompaniýalar üçin nebitgaz toplumynyň awtoulag duralgasyndan ýörite ulaglar gatnaw ederler. Tertipnama konferensiýanyň resmi saýtynda elýeterlidir.
Giňişleýin maglumat we doly programma bilen tanyşmak üçin resmi web saýta girip bilersiňiz: www.ogt-turkmenistan.com
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.