OGT 2025-de “Galkynyş” känini özleşdirmegiň tapgyrlary barada maglumat berildi
10:40 25.10.2025 3914
Aşgabatda geçirilen «Türkmenistanyň nebiti we gazy – 2025» halkara maslahatyň çäginde «Türkmengaz» döwlet konserniniň Tebigy gaz ylmy-barlag institutynyň laboratoriýasynyň müdiri, tehnika ylymlarynyň doktory Irina Lurýewa «Galkynyş» gaz käniniň häzirki ýagdaýy we onuň geljekki ösüş mümkinçilikleri boýunça çykyş etdi.
Bellenilişi ýaly, «Galkynyş» käniniň özleşdirilişi 7 tapgyrdan ybarat toplumlaýyn strategiýa laýyklykda amala aşyrylýar. Häzirki wagtda birinji tapgyr boýunça synag-senagat taýdan işläp çykaryş dowam edýär. Işleýän guýularyň gaznasy 52 birlikden ybarat bolup, ýene-de 7 guýy ulanyşa taýýarlanýar. Şeýle hem 8 guýuda buraw işleri alnyp barylýar.
Irina Lurýewanyň bellemegine görä, guýularyň ortaça taslama debiti bir günde 1,5 mln kub metr töweregi bolup, degişli gatlaklaryň mümkinçilikleri bu görkeziji 3 mln kub metre çenli durnukly ýagdaýda saklamaga mümkinçilik berýär. Mysal üçin, 2022-nji ýylda işe girizilen 3 guýy günüň dowamynda durnukly ýagdaýda 3 mln kub metre çenli gaz çykarmaga ukyplydyr. Gaffney Cline kompaniýasynyň hünärmenleri bilen bilelikde taýýarlanan çaklamalara laýyklykda, her bir tapgyr boýunça durnukly gaz alnyş döwri 30 ýyldan gowrak bolmaga mümkin.
Täze meýilnamalara görä, käniň 2-nji, 3-nji we 4-nji tapgyrlaryny durmuşa geçirmek göz öňünde tutulýar. Gaz alnyş mukdary tapgyrlaýyn artdyrylar, bu bolsa maýa goýum serişdelerini netijeli bölmäge we bar bolan tejribä esaslanmaga mümkinçilik berer diýip, alym nygtady.
Kän doly özleşdirilenden soň, onuň ýyllyk jemi gaz önümçiligi 200 milliard kub metre çenli ýokarlanyp biler.
Şeýle hem Lurýewa buraw işlerinden we gaz taýýarlama zawodlarynyň gurluşygyndan başga-da, tehnologiki we ekologik meseleleriň hem möhüm orun eýeleýändigini belledi. Hususan-da, kömürturşy gazyny (CO₂) käniň suwly gatlaklaryna we goňşy känleriň tükenen gatlaklaryna iberilmegi boýunça işleri öwrenmek dowam edýär. Bu ýagdaý tehnogen galyndylary emele getirmäge hem-de daşky gurşawa düşýän täsiri azaltmaga mümkinçilik berer.
Irina Lurýewa 20-den gowrak patentiň we 200-den köp ylmy işiň awtorydyr. Ol 1988-nji ýylda Türkmen politehniki institutyny tamamlap, 2006-njy ýyldan bäri «Türkmengaz» döwlet konserniniň Tebigy gaz ylmy-barlag institutynda işleýär, laboratoriýa ýolbaşçylyk edýär we ýaş hünärmenlere maslahat berýär. Alymyň ylmy gyzyklanmalary gatlaklaryň gidrodinamiki modellemesi, känleriň işlenip taýýarlanyş tehnologiýalary we guýularyň peýdalanylyşy bilen baglydyr.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.