KHALID IBNOU WALID KANE, Yslam ösüş bankynyň ykdysady infrastruktura amallar toparynyň ýolbaşçysy:
19:49 25.10.2025 3408
— «Türkmenistanyň nebiti we gazy — 2025» atly halkara maslahaty we sergisi ýokary derejeli guramaçylygy bilen bizde uly täsir galdyrdy. Men Türkmenistana ilkinji gezek gelip gördim. Türkmen halkynyň myhmansöýerligi, açyk göwünliligi diýseň göwnümize ýarady. Aşgabat şäheri ak mermere beslenip, özüniň gözelligi, arassalygy, binagärlik aýratynlygy bilen haýran galdyrýar.
Uglewodorod serişdeleriniň ägirt gorlaryna eýe bolan Türkmenistanyň tebigy baýlyklaryny diňe bir milli bähbitlere däl, eýsem, sebit we dünýä halklarynyň abadan durmuşyna gönükdirmegi ony bu babatda ygtybarly we ynamdar hyzmatdaşlaryň birine öwürýär. Türkmenistan — Owganystan — Pakistan — Hindistan transmilli gaz geçirijisi hem munuň aýdyň beýanydyr. Ýakynda türkmen halkynyň Milli Lideriniň bu gaz geçiriji taslamanyň wajyp tapgyry bolan Arkadagyň ak ýoly bilen Serhetabat — Hyrat gaz geçirijisiniň nobatdaky tapgyryna ak pata bermegi halklaryň ykbalynda möhüm orny eýeleýän taryhy waka boldy.
Şeýle ýokary derejeli halkara forumyna gatnaşandygymyza, Güneşli Türkmenistany görendigimize hem-de ýyly myhmansöýerlige Türkmenistanyň hormatly Prezidentine hem-de Gahryman Arkadaga öz hoşallygymyzy bildirýäris.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.