Frankfurtda Türkmenistanyň Ykdysadyýet günleri geçirildi
13:36 04.11.2025 873
30–31-nji oktýabr aralygynda Germaniýa Federatiw Respublikasynyň Maýn boýundaky Frankfurt şäherinde Türkmenistanyň Ykdysadyýet günleri geçirildi.
Çäräniň maksady Türkmenistan bilen Germaniýanyň, şeýle hem Ýewropa Bileleşiginiň gyzyklanma bildirýän beýleki döwletleriniň arasyndaky söwda-ykdysady hem-de maýa goýum hyzmatdaşlygyny mundan beýläk-de berkitmekden, şeýle hem gatnaşyklaryň gerimini giňeltmekden ybarat boldy diýip, Türkmenistanyň DIM-nde habar berdiler.
Iki günlük foruma Germaniýanyň 50-den gowrak öňdebaryjy kompaniýalarynyň, banklarynyň we senagat birleşikleriniň, şeýle hem 51 türkmen kompaniýasynyň we birnäçe döwlet düzümleriniň wekilleri gatnaşdylar.
Germaniýandan gatnaşan kompaniýalaryň hatarynda Deutsche Bank AG, Commerzbank AG, BOMAG GmbH, CLAAS GmbH, John Deere International GmbH, BASF-Intertrade GmbH ýaly iri senagat konsernleri we maliýe edaralary bar.
Şeýle hem German ykdysadyýetiniň Gündogar komiteti, Nemes agrosenagat birleşigi, Germany Trade & Invest (GTAI) hem-de Frankfurtyň ykdysady ösüş agentligi ýaly pudak assosiasiýalary hem foruma gatnaşdylar.
Türkmen tarapyndan bolsa ykdysadyýetiň ileri tutulýan ugurlary bolan maliýe we bank ulgamy, oba hojalygy we azyk senagaty, dokma we ýeňil senagat, saglygy goraýyş we derman senagaty, uglewodorod we nebit-himiýa pudaklary, gurluşyk, ulag we aragatnaşyk ulgamlaryny alyp barýan degişli ministrlikler we pudaklaýyn edaralar gatnaşdylar.
Forumyň açylyş dabarasynda Türkmenistanyň wise-premýeri Nökerguly Atagulyýew we German ykdysadyýetiniň Gündogar komitetiniň dolandyryjy müdiri Mihael Harms çykyş etdiler.
Ykdysadyýet günleriniň dowamynda plenar mejlisler, B2B we B2G duşuşyklary şeýle hem ikitaraplaýyn ylalaşyklaryň gol çekişikleri geçirildi.
Forum hyzmatdaşlygyň söwda-ykdysady gatnaşyklar we göni daşary ýurt maýa goýumlaryny çekmek, ulag-logistika geçelgelerini ösdürmek, şeýle hem energiýa hyzmatdaşlygy ýaly möhüm ugurlaryny ara alyp maslahatlaşmak üçin netijeli meýdança öwrüldi. Mundan başga-da, “ýaşyl” ykdysadyýete geçmek, sanly özgertmeler we elektron hökümet ulgamyny ösdürmek pikir alyşmalaryň esasy mowzuklary boldy.
Forumyň maksatnamasy Germaniýanyň iri senagat kärhanalaryna tanyşdyrydyş saparlaryny hem öz içine aldy.
Germaniýada geçirilen Türkmenistanyň Ykdysadyýet günleri özara bähbitli gatnaşyklary berkitmek, maýa goýumlaryny çekmek we Türkmenistanyň ykdysadyýetiniň strategik taýdan möhüm pudaklaryna öňdebaryjy tehnologiýalary ornaşdyrmak üçin möhüm meýdança öwrüldi.
Türkmenistanyň ýolbaşçylary Prezident Ebrahim Raisiniň aradan çykmagy zerarly Eýranyň ýolbaşçylygyna gynanç bildirdiler
Türkmenistanyň Prezidenti Serdar Berdimuhamedow we türkmen halkynyň Milli Lideri Gurbanguly Berdimuhamedow Eýran Yslam Respublikasynyň ýolbaşçylygyna şu ýylyň 19-njy maýynda Eýranyň Gündogar Azerbaýjan welaýatynda bolup geçen dikuçar heläkçiligi sebäpli Eýranyň Prezidenti Ebrahim Raisiniň aradan çykmagy zerarly gynanç bildirdiler. Bu barada 20-nji maýda TDH habar berdi.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.
Türkmenistanyň Prezidenti Magtymguly Pyragynyň ýadygärliginiň аçylyşyna gatnaşdy
17-nji maýda Aşgabadyň günorta böleginde Prezident Serdar Berdimuhamedowyň gatnaşmagynda Magtymguly Pyragynyň ýadygärliginiň hem-de «Magtymguly Pyragy» medeni-seýilgäh toplumynyň аçylyş dabarasy boldy.
Türkmenistanyň Prezidenti: energetika we ulag — Merkezi Aziýa ýurtlarynyň we Hindistanyň ykdysady hyzmatdaşlygynyň ileri tutulýan ugurlary
27-nji ýanwarda ilkinji «Hindistan – Merkezi Aziýa» sammiti wideoaragatnaşyk ulgamy arkaly geçirildi. Ýokary derejeli duşuşyga Hindistan Respublikasynyň Premýer-ministri hem-de Merkezi Aziýa döwletleriniň Prezidentleri gatnaşdylar diýip, Türkmenistanyň DIM-i habar berýär.