Türkmenistanyň wekiliýeti ADIPEC-2025 halkara nebitgaz sergisine we maslahatyna gatnaşdy
09:56 08.11.2025 2469
«Türkmennebit» döwlet konserniniň başlygy G.Agajanowyň ýolbaşçylygyndaky türkmen wekiliýeti 3-6-njy noýabr aralygynda Birleşen Arap Emirlikleriniň Abu-Dabi şäherinde geçirilen «Abu Dhabi International Petroleum Exhibition and Conference» (ADIPEC-2025) halkara nebitgaz sergisine we maslahatyna gatnaşdy. Bu barada Türkmenistanyň DIM-nde habar berdiler.
Wekiliýetiň düzümine Türkmenistanyň BAE-däki ilçisi B.Baýramow, şeýle hem “Türkmennebit” we “Türkmengaz” döwlet konsernleriniň wekilleri girdiler.
BAE-niň Prezidenti Şeýh Mohammed bin Zaýed Al Nahaýanyň howandarlygynda geçirilen çäräniň açylyş dabarasyna dünýäniň öňdebaryjy energetika kompaniýalarynyň ýolbaşçylary we hünärmenleri gatnaşdylar.
Türkmenistan bu sergide öz milli pawilýony bilen çykyş etdi. Pawilýonda ýurdumyzyň nebitgaz pudagyndaky gazanan üstünlikleri we mümkinçilikleri, şeýle hem daşary ýurtly hyzmatdaşlar üçin maýa goýum mümkinçilikleri görkezildi.
Serginiň çäginde G.Agajanow bilen BAE-niň Senagat we ösen tehnologiýalar ministri, «ADNOC» kompaniýasy toparynyň Ýerine ýetiriji direktory we Baş direktory, doktor Sultan Al Jaberiň arasynda duşuşyk geçirildi. Taraplar energetika ulgamyndaky türkmen-emirlik hyzmatdaşlygynyň ösüş depginini kanagatlanma bilen belläp, özara bähbitli hyzmatdaşlygy mundan beýläk hem ösdürmäge ygrarlydyklaryny tassykladylar.
3-nji noýabrda «Dragon Oil» kompaniýasynyň pawilýonynda G.Agajanow «ENOC» we «Dragon Oil» kompaniýalarynyň dolandyryjylar geňeşiniň başlygy Saýed Al Taýer bilen duşuşyk geçirdi. 4-nji noýabrda bolsa Türkmenistanyň pawilýonynda «Dragon Oil» kompaniýasynyň baş direktory Abdulkarim Al Maazmi bilen duşuşyk geçirildi. Duşuşyklarda hyzmatdaşlygyň häzirki ýagdaýy we geljekki taslamalaryň mümkinçilikleri ara alnyp maslahatlaşyldy.
Sergidäki «Dragon Oil» pawilýonynda Türkmenistan bilen «Dragon Oil» kompaniýasynyň arasyndaky hyzmatdaşlygyň 25 ýyllygyna bagyşlanan maglumatlar giňden ýaýbaňlandyryldy.
Mundan başga-da, türkmen wekiliýeti «ADNOC», «Petronas», «Siemens Energy», «Baker Hughes», «Yug-Neftegaz» hem-de «Azizi Group» ýaly öňdebaryjy halkara kompaniýalaryň wekilleri bilen duşuşyklary geçirdiler. Duşuşyklarda nebitgaz we energetika ugurlarda hyzmatdaşlygyň mümkinçilikleri hem-de bilelikde durmuşa geçirilýän taslamalar barada pikir alşyldy.
ADIPEC-2025 sergisine we maslahatyna Türkmenistanyň gatnaşmagy halkara energetika hyzmatdaşlygyny berkitmekde, ýurdumyzyň maýa goýum mümkinçiliklerini dünýä ýaýmakda we iri halkara kompaniýalar bilen işewür gatnaşyklary giňeltmekde möhüm ädim boldy.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.