Aşgabatda Türkmentel-2025 we ITTC-2025 forumlary geçirildi
10:22 15.11.2025 2550
Aşgabatda 12-14-nji noýabrda «Türkmentel-2025» XVIII halkara sergisi we ylmy maslahaty, şeýle hem «Halkara ulag-üstaşyr geçelgeleri: özara arabaglanyşyk we ösüş — 2025» atly halkara maslahaty we sergin geçirildi diýip, Turkmenportal habar berýär.
Ilkinji gezek iki halkara forum bir ekspozisiýa we dialog meýdançasynda birleşdirildi. Bilrmenleriň bellemegine görä, şeýle hyzmatdaşlyk görnüşi ýokary tehnologiýalar hem-de ulag çözgütleri babatyndaky içerki we halkara üstünlikler bilen has giňişleýin tanyşmaga, şeýle hem tejribe alyşmaga mümkinçilik berer.
Çärelere halkara guramalaryň – Halkara Elektaragatnaşyk Birleşiginiň (ITU), Bütindünýä Poçta Birleşiginiň (UPU), şeýle hem dünýäniň iri tehnologiýa kompaniýalarynyň wekilleri gatnaşýarlar. Olararyň arasynda Ozon, Huawei, Nokia, Cisco, Juniper, Thales, IBM, Mitsubishi, Turkish Post, Kras-Logistics GmbH, China CAMC Engineering we China Harbour Engineering Company bar. Umuman, Aşgabatda 80-den gowrak daşary ýurt kompaniýasy we 350 wekil ýygnandy.
«Türkmentel-2025» forumynyň çäginde sanly ykdysadyýet, kiberdurnuklylyk, 5G tehnologiýalary, emeli aň hem-de telekommunikasiýa ugurlaryndaky innowasion çözgütler tomaşaçylara hödürlendi. Şeýle hem FinTech forumy, ITU-nyň okuw maslahaty we BMG-niň Ösüş Maksatnamasy (BMGÖM) bilen bilelikde halkara startap-forumy geçirildi.
ITTC-2025 maslahatynyň meýdançasynda bolsa esasy ugurlar: geljekde ulag ulgamynyň konsepsiýasy, sebitleýin arabaglanyşyk we multimodal infrastrukturanyň geçelgeleri, howa ulaglarynyň durnuklylygy, ulag-logistika zynjyrlary üçin innowasion çözgütler hem-de bu ugurlara maýa goýumlary çekmek boýunça çykyşlar we prezentasiýalar guraldy.
Forumlaryň çäklerinde milli hünärmenler tarapyndan maglumat tehnologiýalarynyň dürli ugurlary boýunça geçirilen «Sanly çözgüt – 2025» atly giň gerimli innowasion bäsleşigiň jemleri jemlener. Bäsleşigiň ýeňijilerine diplomlar we gymmat bahaly sowgatlar gowşurylar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.