Türkmenistanyň ulag kompaniýasy Gündogar bilen Günbataryň arasynda ýükleri daşamakda hyzmatdaşlygyny giňeldýär
10:55 15.11.2025 2338
Türkmentistanyň “Tylla Nal Logistics” ulag-logistika kompaniýasy Ýewropa, Russiýa we Ýakyn Gündogar ýurtlary boýunça ileri tutulýan ugurlarda hyzmatdaşlyk gatnaşyklaryny giňeldip, Türkmenistanyň sebitdäki möhüm ulag-logistika merkezi hökmündäki ornuny berkidýär. Bu barada kompaniýanyň wekili Amina Ýegendurdyýewa «Türkmentel – 2025» XVIII Halkara sergisiniň hem-de «Halkara ulag-üstaşyr geçelgeleri: özara arabaglanyşyk we ösüş — 2025» atly halkara maslahatyň we serginiň çäklerinde gürrüň berdi diýip, Turkmenportal habar berýär.
Bellenilişi ýaly, kompaniýa nebit önümlerinden başlap gurluşyk materiallaryna hem-de iri göwrümli ýükleri daşamaga çenli dürli ýükleriň multimodal daşamalary bilen ýöriteleşýär. Logistika pudagynyň ösdürilmegi iri infrastruktura taslamalarynyň durmuşa geçirilmegi hem-de halkara ulag geçelgeleriniň döredilmegi bilen gönüden-göni baglanyşyklydyr.
Kompaniýa halkara ýük akymlaryny netijeli dolandyrmak üçin giň gerimli wekiliýetler ulgamyny döretdi. Baş edarasy Aşgabatda bolan kompaniýanyň Dubaýda, Gazagystanda we Türkiýede hem edaralary bar. Ýakynda bolsa uly ammarly toplumlary öz içine alýan Hazar şäherindäki täze edara binasy hereket edip başlady. Şeýle geografiýa Ýewropany Ýakyn Gündogar bilen, Russiýany bolsa sebitiň ýurtlary bilen baglanyşdyrýan üstaşyr ugurlaryny netijeli alyp barmaga mümkinçilik berýär.
Kompaniýanyň özüne degişli köp sanly ýük awtoulaglary bar. Ýakyn geljek üçin meýilleşdirilen işleriň arasynda öz demir ýol wagonlaryny satyn almak hem bar. Bu görkeziji üstaşyr ýükleriniň möçberini artdyrmaga hem-de potratçylara bolan garaşlylygy azaltmaga mümkinçilik berer. Mundan başga-da, kompaniýa ýükleriň gümrük resmileşdirilişini we deklarirlenmegini, frahtlaşdyrmagy, ammarda saklamagy, şeýle hem müşderiler üçin harytlaryň satyn alynmagyny we eltilmegini üpjün edýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.