AÖB ulag infrastrukturasyny ösdürmekde Türkmenistanyň tagallalaryny goldar
10:56 15.11.2025 1152
Aşgabatda 12–14-nji noýabr aralygynda geçirilen «Halkara ulag-üstaşyr geçelgeleri: özara arabaglanyşyk we ösüş — 2025» atly halkara maslahatyň we serginiň çäklerinde Aziýa ösüş bankynyň (AÖB) Türkmenistandaky hemişelik wekilhanasynyň direktory Artur Andrysýak türkmen döwlet we hususy düzümleri bilen hyzmatdaşlygyň ösdürilişi barada gürrüň berdi diýip, «Türkmenistan: Altyn asyr» elektron neşiri habar berýär.
«AÖB ösüş babatda Türkmenistan bilen hyzmatdaşlyk gatnaşyklaryna buýsanýar. Biz bu ýurtda eýýäm 25 ýyldan bäri işleýäris we ýurduň ösüş maksatnamalarynyň durmuşa geçirilmegine goldaw berýäris. Bank sebitleýin arabaglanyşygy berkitmekde, infrastruktura giňeltmekde, şeýle hem esasy edaralaryň we adam maýasyny ösdürmekde Türkmenistan bilen hyzmatdaşlyk edýär. Hyzmatdaşlygyň dowamynda AÖB ulag, energetika we saglygy goraýyş pudaklaryna maýa goýumlaryny amala aşyrdy» diýip, Andrysýak aýtdy.
Wekilhananyň direktory Türkmenistanyň ulag geçelgeleriniň merkezinde ýerleşýän möhüm strategik ornuny belläp, bu ugurda alnyp barylýan taslamalara AÖB-niň goldaw berýändigini nygtady.
«Bu möhüm maslahatyň wekili bolmaga döredilen mümkinçiligi üçin gurnamaçylara minnetdarlyk bildirýärin. Men birnäçe ýyldan bäri bu çärä uly gyzyklanma bilen gatnaşyp gelýärin. Aýratyn nygtasym gelýän zat, Türkmenistan “Demirgazyk-Günorta” we “Gündogar-Günbatar” ulag geçelgeleriniň merkezinde strategik ähmiýete eýedir. Ýurt ulag infrastrukturasyna işjeň maýa goýýar, Aziýa ösüş banky bu meýdançany goldaýar we mundan beýläk hem Türkmenistana ýardam bermäge taýýar» diýip, Andrysýak belledi.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.