Bilelikdäki möhüm taslamalar durmuşa geçirilýär
09:05 18.11.2025 1823
Hytaý Halk Respublikasynyň Nimbo şäherindäki Politehniki uniwersitetinde «Lu Ban ussahanasynyň» ähmiýeti, onuň mümkinçiliklerinden doly peýdalanmak, tejribeleri paýlaşmak, teklipleri seljermek, öwrenmek bilen bagly ylmy-amaly maslahat geçirildi. Oňa ýurdumyzdan Ýagşygeldi Kakaýew adyndaky Halkara nebit we gaz uniwersitetiniň talyp-mugallymlary wekilçilik etdi, şeýle-de Gazagystan, Täjigistan, Ermenistan, Belarus Respublikalaryndan wekiller gatnaşdylar.
Bir hepde dowam eden maslahatda halkara hünär bilimi taslamasy bolan «Lu Ban ussahanasynyň» mümkinçilikleri bilen tanyşdyryldy. Bu taslama 2016-njy ýylda Hytaýda döredildi we ýokary bilimli hünärmenleri kämilleşdirmekligi, öňdebaryjy tehnologiýalary ulanmagy we ornaşdyrmagy, halkara hyzmatdaşlygy pugtalandyrmagy, öz hünär başarnygyňy ösdürmegi, täze pikirler, seljermeler bilen baýlaşdyrmagy hem pugtalandyrmagy baş maksat hökmünde öňe sürýär. Çäräniň dowamynda Hytaýyň ylym-bilim işgärleriniň hem-de myhmanlaryň çykyşlary diňlenildi, özara pikir alşyldy, duşuşyklar geçirildi.
Ýokarda agzalan taslama ýurdumyzyň Ýagşygeldi Kakaýew adyndaky Halkara nebit we gaz uniwersitetinde hem döredilýär. Häzirki wagtda «Lu Ban ussahanasynyň» binasynyň düýpli abatlaýyş işlerini has çaltlandyrmak maksady bilen, «Türkmengaz» döwlet konserniniň ýardam etmeginde, şertnama esasynda, düýpli abatlaýyş işleri ýerine ýetirilýär. Ýagşygeldi Kakaýew adyndaky HNGU-daky halkara hünär bilimi taslamasy Türkmenistanda ilkinji gezek döredilýär hem-de hususan, nebit inženerçiligi we tehnologiýalary, maglumat tehnologiýalary, nebiti, gazy daşamak ýaly ugurlara gönükdiriler.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenbaşyda ulag boýunça maslahata gatnaşyjylar mälim boldy
30-dan gowrak döwletleriň wekiliýetleri, şeýle hem 30-dan gowrak halkara we ýöriteleşdirilen guramalaryň wekilleri 15-16-njy awgustda Türkmenbaşy şäherinde geçiriljek Birleşen Milletler Guramasynyň howandarlygynda Türkmenistanyň başlangyjy bilen Deňze çykalgasy bolmadyk ösüp barýan ýurtlaryň ulag boýunça maslahatyna gatnaşýandyklaryny tassykladylar. Bu barada Türkmenistanyň DIM-niň saýty habar berýär.