Eýran 12-nji dekabrda Aşgabatda geçiriljek Halkara foruma ýokary derejedäki wekiliýet bilen gatnaşar
18:31 05.12.2025 1118
Eýran 12-nji dekabrda Aşgabatda geçiriljek Halkara foruma ýokary derejedäki wekiliýeti bilen gatnaşar. Bu barada Eýran Yslam Respublikasynyň Türkmenistandaky Adatdan daşary we Doly ygtyýarly ilçisi Ali Mojtaba Ruzbehani habar berdi. Bu barada 5-nji dekabrda Türkmenistan Halkara habarlar portaly ýazýar.
Bellenilişi ýaly, ilçi Türkmenistanyň Prezidenti Serdar Berdimuhamedowy, Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowy, Türkmenistanyň Hökümetini we halkyny hemişelik Bitaraplygyň yglan edilmeginiň 30 ýyllygy bilen gutlady. Ol bu şanly senäniň ýurduň parahatçylyga, durnuklylyga we ösüşe ygrarlydygynyň nyşanydygyny belledi.
Ilçi Türkmenistanyň başlangyjy bilen BMG-niň 2025-nji ýyly "Halkara parahatçylyk we ynanyşmak ýyly" diýip yglan etmeginiň ähmiýetini nygtady. 12-nji dekabrda geçiriljek Halkara forum möhüm waka bolup, oňa Eýran ýokary derejede gatnaşar we Türkmenistanyň Bitaraplyk ugruny goldaýandygyny ýene bir gezek tassyklar.
Şeýle hem ol Eýranyň Prezidentiniň Türkmenistana boljak saparynyň iki ýurduň arasyndaky ähli taraplaýyn gatnaşyklaryň mundan beýläk-de ösmegine ýardam etjekdigine ynam bildirdi.
Ýakyn goňşy bolan Eýran üçin Türkmenistanyň bitaraplyk derejesi serhetýaka durnuklylygy üpjün etmekde, energetika hyzmatdaşlygynda we durnukly ikitaraplaýyn gatnaşyklary ösdürmekde möhüm ähmiýete eýedir. Eýran bu syýasaty sebitleýin parahatçylyga goşulan strategik goşant hökmünde görüp, ony hemişe goldaýar diýip, ilçi belledi.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.