Hormatly Prezidentimiziň täze kitabynyň tanyşdyrylyş dabarasy
09:05 23.12.2025 3091
Geçen çarşenbede nebitgaz toplumynyň merkezi binasynda hormatly Prezidentimiz Serdar Berdimuhamedowyň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly täze kitabynyň tanyşdyrylyş dabarasy geçirildi. Oňa nebitgaz toplumynyň ýolbaşçylary we işgärleri gatnaşdylar.
Dabaraly çärede, ilki bilen, Türkmenistanyň Prezidentiniň nebitgaz meseleleri boýunça geňeşçisi Aşyrguly Begliýew çykyş edip, hormatly Prezidentimiziň täze kitabynda hemişelik Bitaraplygymyzyň ähmiýeti hem-de ýurdumyzyň dünýäde parahatçylygy, ynanyşmagy, abadançylygy üpjün etmäge gönükdirilen taryhy başlangyçlarynyň giňişleýin beýan edilýändigini nygtady.
Soňra «Türkmennebit» döwlet konserniniň başlygy Guwanç Agajanow, «Türkmengeologiýa» döwlet korporasiýasynyň başlygy Gurbangeldi Garlyýew, TYA-nyň Dil, edebiýat we milli golýazmalar institutynyň uly ylmy işgäri Gülälek Hangeldiýewa, TYA-nyň Taryh we arheologiýa institutynyň esasy ylmy işgäri Kakajan Baýramow, Türkmenistanyň Nebitgaz toplumynyň işgärleriniň kärdeşler arkalaşygynyň Geňeşiniň başlygy Geldimyrat Seýtiýew, «Nebit-gaz» gazetiniň baş redaktory Ussa Ussaýew, «Türkmennebit» DK-nyň «Türkmennebitönümleri» baş müdirliginiň Ýaşaýyş-jemagat hojalygy kärhanasynyň kärdeşler arkalaşygynyň ilkinji guramasynyň başlygy Sapar Ataberdiýew, «Türkmengeologiýa» DK-nyň Ahal gidrogeologiýa ekspedisiýasynyň gidrogeology Bägül Baýramalyýewa dagy çykyş etdi.
Hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitaby ýurdumyzyň umumadamzat bähbitli başlangyçlaryny hem-de hemişelik Bitaraplygymyzyň ählumumy ösüşiň wezipelerine we talaplaryna doly laýyk gelýän maksatlaryny dünýä ýaýmakda uly ähmiýete eýe bolan eserdir. Bu ajaýyp eser Berkarar döwletiň täze eýýamynyň Galkynyşy döwründe biziň her birimize ruhy daýanç bolup hyzmat eder.
Dabaranyň dowamynda «Türkmengaz» DK-nyň Medeni-işewürlik merkeziniň sungat ussatlarynyň aýdym-sazly çykyşlary ýaýbaňlandyryldy. Belent heňde ýaňlanan aýdym-sazlarda Garaşsyzlygymyzyň, hemişelik Bitaraplygymyzyň, ata Watanymyzyň ösüşleriniň waspy ýetirildi.
Maslahatyň ahyrynda nebitgaz toplumynyň işgärleri hormatly Prezidentimiziň adyna Ýüzlenme kabul etdiler.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.